![Ali Məhkəmə müxalifətçinin kassasiya şikayətini təmin edib](https://turan.az/resized/media/2017/main/082300004156-750-500-resize.webp)
Ali Məhkəmə müxalifətçinin kassasiya şikayətini təmin edib
Bakı/23.08.17/Turan: Azərbaycan Ali Məhkəməsi müəllimlikdən uzaqlaşdırılmış Xalq Cəbhəsi Partiyasının Qəbələ rayon təşkilatının sədri İlham Quliyevin şikayətini təmin edib. Bu barədə Turan-a Quliyevin vəkili Tural Hacıbəyli bildirib.
Quliyev Hacıalılı kənd orta məktəbində müəllim işləyirdi. Müxalifətin etiraz aksiyalarında iştirak etdikdən sonra onu işdən kənarlaşdırıblar.
Quliyev məhkəməyə müraciət edərək, işə bərpa olunmasını və məcburi iş buraxma müddəti üçün orta aylıq əmək haqqının ödənilməsini tələb edib.
Qəbələ rayon məhkəməsi və onun ardınca Şəki Apellyasiya Məhkəməsi fəalın şikayətini təmin etməyib.
Avqustun 23-də Ali Məhkəmənin Mülki Kollegiyası kassasiya şikayətini təmin edib.
Qərara əsasən, Şəki Apellyasiya Məhkəməsinin aprelin 3-də verdiyi qərar ləğv edilib. Şəki Apellyasiya Məhkəməsi AXCP rayon təşkilatının sədrinin müraciətinə yenidən baxacaq.
Bir müddət əvvəl AXCP rəhbərliyi bildirib ki, 2016-cı ilin sentyabrında müxalifətin keçirdiyi mitinqlərdən sonra partiyanın 20-dən çox fəalı, əsasən dövlət büdcə təşkilatlarında işləyən fəallar işdən çıxarılıb. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz