�Azadlıq� qəzeti haqqında məhkəmə qərarı qüvvədə qaldı
Bakı/06.12.17/Turan: Bakı Apellyasiya Məhkəməsi Şirin Abdullayev "Azadlıq" qəzetinə qarşı işi üzrə hər iki tərəfin şikayətini rədd edib.
Redaksiya əməkdaşlarının verdiyi məlumata görə, məhkəmə işi azadliq.info saytında dərc edilmiş "Jurnalistin üzünə duran "bandotdel" rəisinin dostu imiş" başlıqlı yazı ilə bağlıdır. Həmin yazı Fikrət Fərəməzoğlunun məhkəmə prosesindən hazırlanıb.
İş üzrə şahidlərdən biri - Şirin Abdullayev həmin məqalədə nüfuzunun aşağılandığını iddia edir. İddiaya ilkin mərhələdə Yasamal rayon Məhkəməsində baxılmışdı. Məhkəmə iddianı qismət təmin etmiş, qəzetin üzərinə adıçəkilən məqalədədəki fikirləri təkzib etmək vəzifəsi qoymuşdu.
Hər iki tərəf qərardan şikayət verib. "Azadlıq" qəzeti iddianın ümumiyyətlə rədd edilməsini, iddiaçı isə qəzetin ona maddi və mənəvi təzminat olaraq 10 min manat ödəməsini tələb edib.
Apellyasiya şikayətlərinə İsmayıl Vəliyevin sədrlik etdiyi məhkəmə heyəti baxıb. Məhkəmə hesab edib ki, Yasamal rayon Məhkəməsinin qərarı ədalətli olub. Şikayətlər rədd edilib.
"Azadlıq" qəzetindən bildiriblər ki, qərarla razı deyillər. Ali Məhkəməyə kassasiya şikayəti veriləcək.
Sözügedən iddia üzrə məhkəmə çəkişməsi yayda başlayıb. Yasamal Rayon Məhkəməsi avqustun 23-də iddianı qismən təmin edib.
"Azadlıq" qəzeti ötən ildən çapını dayandırıb. Bir neçə il əvvəl qəzetin baş redaktoru Qənimət Zahid, bu ilin əvvəlində isə qəzetin redaktoru Rahim Hacıyev Avropaya mühacirətə gedib.
"Azadlıq" qəzetinin yayım direktoru Faiq Əmirli isə həbs olunub. Ötən il avqustun 20-də saxlanılan F.Əmirli Cinayət Məcəlləsinin 213.1 (xeyli miqdarda vergidən yayınma) və 283.2.2 (qulluq mövqeyindən istifadə etməklə milli, irqi, sosial və ya dini nifrət, düşmənçiliyin salınması) maddələri ilə ittiham edilir. O, məhkəmənin qərarı ilə 3 il 3 ay həbs cəzası alıb.
Bu ilin aprelində məhkəmə Nəqliyyat, Rabitə və Yüksək Texnologiyalar Nazirliyinin tələbilə qəzetin azadliq.info ünvanındakı saytını da bloklamaq barədə qərar çıxarıb. -0-
Cəmiyyət
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
-
Azərbaycanda saxlamalar, həbslər davam edir. Dünən, aprelin 29-da Seçkilərin Monitorinqi və Demokratiyanın Tədrisi Mərkəzinin sədri Anar Məmmədli saxlanıb. Onun da qaçaqmalçılıqda şübhəli sayıldığı deyilir. Son aylar Azərbaycanda 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittiham ilə razılaşmır, bunu peşə fəaliyyətləri və siyasi sifarişlə izah edirlər.
-
Mayın 1-də Bakıda və Abşeron yarımadasında hava şəraiti əsasən yağmursuz keçəcək. Havanın temperaturu gündüz 21-26 dərəcə isti təşkil edəcək.
Sanksiya xəbərləri fonunda Azərbaycanda baş verən həbslər... – Rüfət Səfərov Çətin sualda
InvestPro Azerbaijan Baku & Turkiye Istanbul 2024 – two conferences in one shot
Xəbər lenti
-
- Cəmiyyət,
- 16:19
- 293
-
- Siyasət,
- 15:14
- 439
-
- Söz istəyirəm,
- 13:32
- 304
Rəy yaz