Bakı/06.12.17/Turan: Xəzərin hüquqi statusu haqqında Çərçivə Konvensiyasının layihəsi sahilyanı dövlətlər tərəfindən razılaşdırılıb. Bu barədə bugünki mətbuat konfransında Azərbaycan xarici işlər nazirinin müavini Xələf Xələfov Azərbaycan, İran, Qazaxıstan, RF və Türkmənistan XİN başçılarının dekabrın 5-də Moskvada aparılmış danışıqlarının yekunlarını şərh edərkən bildirib.
Onun sözlərinə görə, dənizin dibinin beş hissəyə bölünməsi haqqında prinsipial razılaşma əldə olunub. Suyun səthi 15 millik suveren zonalara və 10 millik balıqçılıq zonalarına ayrılacaq.
Sahilyanı dövlətlərin kommunikasiyaları xəzər beşliyinin tranziti üçün açılacaq.
Xəzəryanı dövlətlərin "tarazlaşdırılmış hərbi iştirakının" təmin edilməsi nəzərdə tutulur.
Transxəzər boru kəmərlərinin tikintisi boru kəmərlərinin keçəcəsi sektorlar üzrə ölkələrin qarşılıqlı razılaşmaları əsasında həyata keçiriləcək.
Xələfovun sözlərinə görə, Çərçivə Konvensiyasının Xəzəryanı dövlət başçılarının 2018-ci ilin ilk yarısında Qazaxıstanda keçiriləcək növbəti sammitində imzalanması nəzərdə tutulur.
Bununla belə, Xələfov bir sıra mübahisəli məsələlər, xüsusən bəzi karbohidrat yataqlarının mənsubiyyəti üzrə razılaşmaların olmadığını qeyd edib.
"Mübahisəli yataqlar üzrə danışıqlar hələlik nəticəsizdir. Ümumi mövqe belədir ki, delimitasiya yekunlaşana qədər bu yataqlar işlənməyəcək.
Gələcəkdə onların istismarı məsələsi beynəlxalq hüquq əsasında həll olunacaq", deyə Xələfov bildirib.
Qeyd edək ki, bu günə qədər Azərbaycan və İran, Azərbaycan və Türkmənistan sektorları arasında dibin bölünməsi həyata keçirilməyib. -03C06-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz