Minlərlə Bakı sakini "Qarabağ"ın qələbəsini qeyd etmək üçün gecə küçələrə çıxıb. Dənizkənarı bulvarda daha çox adam toplaşıb. Kortəbii yürüşlə əlaqədar Neftçilər prospektində Muzey Mərkəzindən Hilton otelinə qədər nəqliyyatın hərəkəti dayandırılıb. Gənclər Azərbaycanın və "Qarabağ" futbol klubunun bayraqlarını qaldırıblar. Sürücülər "Qarabağ"ın şərəfinə davamlı siqnal veriblər.
* * *
"Qarabağ"ın tarixi qələbəsi
Bakı/24.08.17/Turan: Danimarkanın "Kopenhagen" futbol klubuna 1:2 hesabı ilə məğlub olmaq Ağdamın "Qarabağ" futbol klubu üçün qələbəyə bərabər olub. Bu hesab "Qarabağ"ı Çempionlar Liqasının qrup mərhələsinə çıxarıb.
Bir həftə öncə Bakıda "Qarabağ" 1:0 hesabı ilə qalib gəlmişdi.
"Qarabağ" ilk dəqiqələrdən rəqibə erkən qol vurmağa və üstünlüyü ələ almağa imkan verməyib.
Birinci taymın sonlarında qapısından qol buraxan "Qarabağ" fasilədən sonra bir neçə dəfə əks hücuma keçib. 63-cü dəqiqədə Ansi Aqollidən yaxşı ötürmə alan Dino Adlovu topu ev sahibinin qapısından keçirib.
Ancaq hesabda bərabərlik uzun sürməyib. 66-cı dəqiqədə Andriya Pavloviç "Kopenhagen"i irəliyə çıxarıb. Lakin "Qarabağ" "Kopenhagen"in növbəti hücumlarının qarşısını alıb.
Beləliklə, "Qarabağ" Cənubi Qafqazda Çempionlar Liqasının qrup mərhələsinə çıxan ilk klubdur.-06D--
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz