![Bu tədbirin məqsədi nə idi?](https://turan.az/resized/./turan-750-500-resize.webp)
Çərşənbə axşamı Beynəlxalq Diaspor Mərkəzi (BDM) və Azərbaycan Ərazilərinin Erməni Silahlı Birləşmələri Tərəfindən İşğalı Nəticəsində İtki Tələfatlarının Qiymətləndirilməsi üzrə işçi qrupla birgə Beynəlxalq Mətbuat Mərkəzində (BMM) “Bakı-2015 Avropa Oyunları: nəsillərin firavanlığına və işgüzar əməkdaşlığa çağırışlar” mövzusunda dəyirmi masa keçirib.
İki saata yaxın davam edən tədbirdə Qarabağ məsələsindən də, Avropa Oyunlarından da, hətta deputat Xanhüseyn Kazımlının bu günlərdə Avrasiya Qiymətləndiricilər Şurasının işçi qrupuna sədr seçilməsindən də danışılıb. Amma apardığımız müşahidələr bu olub ki, tədbirdə X.Kazımlının qiymətləndiricilər üzrə işçi qrupa sədr seçilməsi əsas məsələ idi. Qarabağ, Avropa Oyunları isə “yeri gəlmişkən” səviyyəsində idi. Tədbir samballı görünsün deyə, qiymətləndiricilər şurasından olan rus, gürcü əsilli qonaqlara da söz verilirdi. Onlar Xocalı hadisəsilə bağlı baxdıqları 24 dəqiqəlik filmin rus və s. xarici dillərə tərcümə olunmasını istəyir, bununla da “Azərbaycan həqiqətləri”nin yayılmasına xidmət göstərmiş olurdular. Əsas məqsəd isə budur ki, parlament seçkiləri yaxınlaşır, X.Kazımlının “yuxarı”lar önündə göstərməyə heç nəyi yoxdur. Bax, keçirilən bu tədbir isə X.Kazımlının vacibliyini sübut edir və ona yenidən deputat olmaq şansı “qazandırır”.
Yerdə qalan görüntü nə var isə, XX əsrin 30-cu illərində repressiyaya məruz qalan Səməd Mənsur demişkən, “rəngi”dir. Yəni, XX əsrin əvvəllərində, XX əsrin sonlarında erməni hücumları, torpaqların işğalı, Avropa Oyunlarında əldə edilən qələbələr sadəcə danışmaq üçün söz idi. Mahiyyət deyildi, mahiyyət X.Kazmlının növbəti 5 il üçün deputat yerini “qarantiya” edə bilməsidir.
Amma burada da bəzi məsələlər özünü göstərib. Belə ki, Avropa Oyunları haqda danışan X.Kazımlı buna da hazır deyildi. Azərbaycan tərəfdən nə qədər idmançının çıxış etdiyini, neçə medal qazandığımızı, bunun nə qədərinin qızıl, nə qədərinin gümüş, nə qədərinin bürünc olduğunu deməyib. Bir sözlə, X.Kazımlı hətta adi bir çıxışa belə hazır olmadığını ortaya qoyub.
Deputat Rusiyanın Ermənistana silah almaq üçün verdiyi 200 milyon dollar məsələsinə də toxunub. Onun sözlərinə görə, belə məsələlər unudulmur, amma qonşuluq məsələsi olduğu üçün barəsində hündürdən də danışmırlar. Yəni, X.Kazımlının deməyindən belə çıxdı ki, “ev bizim, sirr bizim” olması daha yaxşıdır. Bəzi natiqlər vaxtilə SSRİ rəhbərliyini erməni separatçıları dəstəkləməkdə ittiham ediblər. Azərbaycanda həbsə alınan erməni separatçı rəhbərlər Moskvada azadlığa buraxılıblar.
Natiqlər Qafqazdakı münaqişələri kənar müdaxilə olmadan Qafqaz xalqlarının özlərinin aradan qaldırmalı olduğu təklifini önə sürüblər. Qafqazın əmin-amanlığı üçün ilk növbədə Rusiyanı Qafqaza aid problemlərdən uzaqlaşdırmaq təklifi xüsusi vurğulanıb. Bəzi natiqlər isə səbrlə əvvəl-axır Qarabağ münaqişəsinin sonuna gəlinəcəyini deyiblər. Amma, istənilən halda, müharibədən az öncə ölənlər onlarla axirət dünyasına yoldaşlıq edən insanların adlarını özləri çəkirlər. -05C-
-
- Mədəniyyət
- 30 İyun 2015 18:54
-
- Siyasət
- 30 İyun 2015 19:45
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz