Açiq mənbələrdən foto.
Bakı/06.09.21/Turan: Avqustun 9-dan Azərbaycanda “əks göstəriş sertifikatları”nın verilməsinə başlanılıb. Amma çoxları bunu ala bilmədiyindən şikayətlənir.
Sentyabrın 1-dən isə COVİD pasportu, immunitet sertifikatı və «əks göstəriş sertifikatı» olmayanlar iaşə obyektlərinin çoxusuna gedə bilmir. Umumiyyətlə, “əks göstəriş sertifikatları”nın verilməsi prosesi necə gedir? Gecikmələrə səbəb nədir?
İndiyə qədər nə qədər şəxs ölkədə «əks göstəriş sertifikatı» ala bilib?
Səhiyyə Nazirliyindən Turan-a bildiriblər ki, «əks göstəriş sertifikatı»nı almaq üçün vətəndaşlar poliklinikalara müraciət etməlidirlər. Vətəndaş poliklinikaya lazım olan epikriz və ya digər sənədləri təqdim edir. Poliklinika onların məlumatlarını Səhiyyə Nazirliyi tərəfindən yaradılmış xüsusi komissiyaya təqdim edir və komissiyanın rəyi əsasında vətəndaşa «əks-göstəriş sertifikatı» verilir.
Qurumdan qeyd olunub ki, «əks göstəriş sertifikatı» müvəqqəti və daimi olur. Hamilə qadınlara, süd verən analara müvəqqəti, ağır allergik reaksiyası olan şəxslərə, peyvəndin birinci dozasından sonra ağır allergik hal baş verənlərə müddətsiz verilir.
Nazirlikdən vurğulanıb ki, kəskin infeksion xəstəlikləri və xroniki xəstəlikləri kəskinləşdiyi dövrdə olanlar, o cümlədən kimyaterapiya müalicəsi alan onkoloji xəstələr “əks göstəriş sertifikatı” ala bilərlər.
Qurumdan bildirilib ki, «əks göstəriş sertifikatı»nın verilməsi ilə bağlı tibb müəssisələrindən müraciətlərin say çoxluğu, əsassız müraciətlər və göndərilən sənədlərin bəzən düzgün doldurulmaması müəyyən gecikmələrə səbəb olur.
“Vətəndaşların narazılığını anlayırıq, lakin göndərilən müraciətlərin komissiya tərəfindən araşdırılması müəyyən qədər vaxt aparır. Avqust ayının 9-dan bu günə qədər ümumilikdə 300-dən çox müraciətə müsbət cavab verilib və həmin şəxslər artıq “əks göstəriş sertifikatı» alıblar”, -qurumdan qeyd olunub.
Lakin bəzi mütəxəssislər hesab edirlər ki, iş düzgün təşkil olunmadığına və vəsaitlər təyinatı üzrə xərclənmədiyinə görə bu sistem problemlidir. –21D06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz