Mədən Sənayesində Şəffaflıq Təşəbbüsündə (EİTİ) Azərbaycanın statusunun “namizəd ölkə” kimi qalması o deməkdir ki, Bakı vətəndaş cəmiyyətinin inkişafına olan bütün maneələri aradan qaldırmalıdır. Bu barədə Mədən Sənayesində Şəffaflığın Artırılması üzrə QHT Koalisiyasının üzvü Oqtay Gülalıyev EİTİ-nin İdarə Heyətinin bu gün Astanada Azərbaycanla bağlı qəbul etdiyi qərarı Turan-a şərh edərkən bildirib.
Onun sözlərinə görə, QHT koalisiyası onsuz da İdarə Heyətini Azərbaycanın “namizəd statusunu” saxlamağa çağırırdı. Son vaxtlar hakimiyyət EİTİ çərçivəsində öhdəliklərini qismən yerinə yetirib: QHT koalisiyasının bəzi üzvlərinin ölkədən çıxmaq qadağaları ləğv olunub və hesabları açılıb.
Oktyabrın 21-də prezident xarici qrantların qeydiyyatı prosedurunun “vahid pəncərə” prinsipi ilə sadələşdirilməsi haqqında fərman verib.
Gülalıyevin özünə qarşı hələ 2012-ci ildə açılmış və ölkədən çıxmasını qadağan edən cinayət işi bağlanıb. Amma, fəalın sözlərinə görə, həll olunmamış problemlər qalmaqdadır.
Xüsusən, son illər qanunvericiliyə edilmiş mürtəce düzəlişlər ləğv olunmalı, QHT-lərin qeydiyyatı prosedurları sadələşdirilməli, QHT-lərin fəaliyyətində pozuntulara görə böyük inzibati cərimələr ləğv olunmalıdır və s.
Gülalıyev təkcə koalisiya üzvlərinin deyil, bütün fəalların təqibinə son qoyulması zərurətini qeyd edib. Nə qədər ki, bu maneələr aradan qaldırılmayıb, beynəlxalq maliyyə təşkilatları Azərbaycana kredit verməyəcəklər.
Öz növbəsində, ReAl-ın icraçı katibi Natiq Cəfərli hesab edir ki, EİTİ-də Azərbaycanla münasibətləri tamamən kəsmək istəmirlər, çünki bu, vətəndaş cəmiyyətinin vəziyyətini yalnız pisləşdirər.
O da Azərbaycan hakimiyyəti vətəndaş cəmiyyətinin bütün problemlərini həll edənə qədər beynəlxalq maliyyə institutlarının kredit verməyəcəyini düşünür.
Yaxın illərdə Azərbaycan “Şahdəniz-2” qaz yatağının işlənməsi, Transanadolu və Transadriatik qaz kəmərlərinin tikintisi üçün təxminən 8-10 mlrd. dollar borc almalıdır. Bu vəsaiti Dünya Bankından, BVF-dən, AYİB-dən imtiyazlı şərtlərlə almaq olar. Amma onlar qərarları qəbul edərkən EİTİ-yə əsaslanacaqlar.
Buna görə EİTİ-nin Azərbaycana vəziyyəti düzəltmək üçün daha 6 ay müddət verməsi hökumət üçün şansdır. -06B-
Cəmiyyət
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
-
2024-cü ilin ilk yeddi ayında Azərbaycan narkotik maddə asılılığına, narkotik və psixotrop maddələrin qanunsuz dövriyyəsinə qarşı mübarizəni gücləndirdi və Dövlət Narkomaniya və Narkotik Vasitələrin Qanunsuz Dövriyyəsinə Qarşı Mübarizə Komissiyasının daimi işçi qrupu tərəfindən bu sahədə əhəmiyyətli nəticələr əldə olunduğu bildirildi. Komissiya tərəfindən aparılan geniş təhlillər ölkənin narkotik maddələrə qarşı mübarizəsində həm uğurlar, həm də davam edən problemləri üzə çıxardı.
-
Tanınmış ictimai xadim, Müharibə, Əmək və Silahlı Qüvvələr Veteranları Təşkilatının sədri Fatma Hüseyn qızı Səttarova 102 yaşında vəfat edib.
-
2024-cü ilin ilk yeddi ayında Azərbaycanda cinayətkarlığın kəskin azalması qeydə alınıb və bu, ölkənin ictimai təhlükəsizliyi artırmaq və hüquq-mühafizə orqanlarının səmərəliliyini yüksəltmək istiqamətindəki səylərinin əhəmiyyətli bir nailiyyəti hesab olunur. Daxili İşlər Nazirliyinin məlumatına görə, 2024-cü ilin yanvar-iyul aylarında 18,518 cinayət qeydə alınıb ki, bu da 2023-cü ilin eyni dövrü ilə müqayisədə 21,7% azdır.
Rəy yaz