Lakin meriya nümayəndəsi işə Səbail rayon məhkəməsində baxılması haqqında vəsatət qaldırıb, belə ki, meriya bu rayon ərazisində yerləşir. Məhkəmə vəsatəti təmin etməsə də, meriya bu qərardan şikayət vermək və işin Apellyasiya Məhkəməsinə göndərilməsinə nail olmaq niyyətindədir. Bu isə, işin ən azı daha 2 ay uzadılması deməkdir.
N.Xaliqovanın nümayəndəsi Fuad Ağayev hesab edir ki, meriyanın hərəkətləri uzun müddət antisanitariya şəraitində, telefon rabitəsi olmadan, elektrik enerjisi və suyu tez-tez kəsilən insanların özlərini daha da köməksiz hesab etməsi və meriyanın ağır şərtlərinə razılaşması məqsədilə işə baxılmasını maksimum uzatmağa yönəlib.
N.Xaliqovanın iddiası cari il aprelin 14-də təqdim edilib və bir ay ərzində iddiaya baxılmalı idi. Lakin həmin vaxt hakim iddia ərizəsini qəbul etməkdən imtina edib.
Ötən təxminən 5 ay ərzində meriyanın səyləri nəticəsində Xaliqovanın yaşadığı 58 saylı ev sökülməkdə davam edib. İndi memarlıq abidəsi olan və dövlət tərəfindən mühafizə olunmalı olan bu üçmərtəbəli evin birinci mərtəbəsi, Xaliqovanın mənzilinin altı və üstü, o cümlədən evin damı, demək olar ki, dağıdılıb.
Bu yaxınlarda həmin evdə yanğın, yaxınlıqdakı digər evdə isə qazdan partlayış baş verib. Nəticədə üç nəfər yaralanıb, bir nəfər isə həlak olub. Məhəllənin daha bir neçə sakini vətəndaşların hüquqlarının kütləvi şəkildə pozulması ilə əlaqədar ürək-damar xəstəliklərinin kəskinləşməsi nəticəsində vəfat edib.
Vətəndaşların çoxsaylı müraciətlərinə baxmayaraq, prokuror fəaliyyətsiz dayanır. Fuad Ağayev iddia edir ki, Nəsimi rayon hakimlərinin qərəzliliyi və icra hakimiyyəti orqanlarından asılılığı özünü açıq-aşkar göstərir. O, adı çəkilən məhəllənin bir qrup sakini adından icra hakimiyyəti orqanları tərəfindən qeyri-insani, ləyaqəti alçaldan davranışa son qoyulması haqqında yeni iddia qaldırmaq niyyətindədir. -02D-
Cəmiyyət
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
Rəy yaz