Gəncədə həkimlər etiraz edir
Azərbaycanın ölçüsünə görə ikinci şəhəri olan Gəncədə yerli dəmir yolu xəstəxanasının işçiləri yanvarın 18-də Dəmir Yolları İdarəsinin bu xəstəxanın təsərrüfat hesabına keçirilməsi haqqında qərarı ilə bağlı etiraz aksiyası keçiriblər.
Yolu bağlayan həkimlər və tibb bacıları bu qərarın ləğvini tələb ediblər, belə ki, təsərrüfat hesabına keçid xəstəxananın bağlanması demək olacaq, çünki xəstəxana hazırki iqtisadi böhran şəraitində maliyyə cəhətdən özünü təmin edə bilməyəcək.
Etirazçılar icra hakimiyyəti başçısı ilə görüş tələb ediblər, amma bunun əvəzinə polis onları qovub, xəbəri Azadlıq Radiosu yayıb.
Bir müddət əvvəl, 2017-ci il dövlət büdcəsi qəbul olunarkən müstəqil ekspertlər xəbərdarlıq edirdilər ki, vəsait çatışmazlığı ilə əlaqədar bir sıra dövlət müəssisələri ləğv olunacaq.
Öz növbəsində, “Azərbaycan Dəmir Yolları” QSC-nin nümayəndəsi Sevinc Qədirova Turan-a bildirib ki, Həkim-Sanitar Xidməti Sistemində qarşıda duran struktur dəyişiklikləri ilə əlaqədar ixtisarlar aparılacaq.
O təsdiq edib ki, bu, maliyyə vəsaiti çatışmazlığı ilə bağlıdır, belə ki, büdcədə bu xidmətin saxlanması üçün pul nəzərdə tutulmayıb.
“Xərclər optimallaşdırılarkən ixtisarlar qaçılmazdır”, deyən Qədirova məhz hansı müəssisələrin ləğv ediləcəyini dəqiqləşdirməyib.
Onun sözlərinə görə, xəstəxanalar ixtisar olunmayacaq, amma işçilər ixtisar olunacaq.
Daha bir dəyişiklik variantı bəzi müəssisələrin təsərrüfat hesabına keçirilməsi ola bilər.
Gəncədə Dəmir Yolu Xəstəxanası işçilərinin etirazına gəlincə, Qədirova aksiyanı “yersiz” adlandırıb, belə ki, “hələlik ixtisarların sayının nə qədər olacağı, məhz kimin ixtisara düşəcəyi məlum deyil”. -05В-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz