“Günəşli” yatağında əməyi mühafizə normaları dəqiq yerinə yetirilsəydi və neftçilərin evakuasiyası düzgün təşkil olunsaydı qəza və yanğın zamanı çoxsaylı qurban olmazdı. Neftçilərin Hüquqlarını Müdafiə Komitəsi tərəfindən yaradılan qəzanın və yanğının səbəblərinin araşdırılması üzrə işçi qrupunun gəldiyi nəticə belədir.
Qurumun rəhbəri Mirvari Qəhrəmanlı bildirib ki, sinoptiklər 10 bal gücündə qasırğa barədə məlumat verdikdən sonra əməyin mühafizəsi qaydalarına görə, neftçilərin böyük hsssi platformadan evakuasiya edilməliydi.
“Platformada bir neçə nəfər qalmalıydı”, - o qeyd edib.
Əgər platformada neftçilər qalmışdısa qəzadan və yanğından sonra onların yaşayış blokunda toplaşması üçün göstəriş verilməliydi.
Yaşayış blokları hər zaman yanğın və zəlzələyə davamlı kimi göstərilib. “Günəşli” platformasında yaşayış blokuna ziyan dəyməyib və ertəsi gün vertolyot məhz blokun damına enib. Odur ki, hava normallaşana qədər neftçiləri orada saxlamaq olardı.
M.Qəhrəmanlı platformadakı hadisələr barədə rəsmi məlumatları tənqid edib.
“İndiyədək xilas edilənlər, həlak olanlar və itkin düşənlər barədə sistemləşdirilmiş məlumat yoxdur”, - o vurğulayıb.
KİV-in məlumatlarına görə, 32 nəfər xilas edilib, 13 nəfər həlak olub, 18 nəfər itkin düşüb (yanvarın 29-da Türkmənistan sahillərində tapılmış cəsədi nəzərə alınmaqla).
M.Qəhrəmanlı axtarış işləri barədə informasiyanın olmadığını qeyd edib. Həmçinin “Neft Daşları” yatağında platformadan dənizə düşən üç neftçi də itkin düşmüş sayılır.
M.Qəhrəmanlı insan itkisinə görə məsuliyyəti adamları vaxtında evakuasiya etməyən SOCAR-ın bölmə rəhbərliyinin, SOCAR-ın birinci vitse- prezidenti Xoşbəxt Yusifzadə də daxil olmaqla, əməyin təhlükəsizliyinə görə cavabdeh olan vəzifəli şəxslərin üzərinə qoyub.
“Məsuliyyətsiz şəxsləri vəzifədə saxladığına görə Rövnəq Abdullayev məsuliyyət daşıyır”, - M.Qəhrəmanlı vurğulayıb.
Səhiyyə Nazirliyi xilas edilənlərə və itkin düşənlərin ailə üzvlərinə psixoloji yardım göstərməyib.
M.Qəhrəmanlı neft dağılmasından sonra Xəzərdə ekologiyaya ziyan dəyməməsi barədə Ekologiya və Təbii Sərvətlər Nazirliyinin bəyanatını şübhə altına alıb.
“Platformada yanğın indiyədək davam edir”, - o bildirib.
Ötən ilin yekunlarından danışan M.Qəhrəmanlı qeyd edib ki, insan hüquqları baxımından neftçilər üçün əsas problemlər ixtisarlar və işdən çıxarılmalar olub. “Qarasu” əməliyyat şirkətində bu problem daha kəskindir.
Neftçilərin Hüquqlarını Müdafiəsi təşkilatı imkan daxilində neftçilərə onların sosial və əmək hüquqlarının qorunması sahəsində hüquqi yardım göstərir. Ötən il təşkilat 64 məhkəmə prosesində neftçilərə yardım edib və 21 işi qazanıb. Başqa işlər üzrə proseslər davam edir.—06C-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz