Bakı/13.12.18/Turan: Gürcüstandan Azərbaycana tələbələrdən, iş axtaranlardan, Gürcüstanın müstəqilliyinin ilk illərində ölkədən qovulanlardan, qarşıq nikahlı ailələrdən ibarət 4 kateqoriyaya aid insanlar gəlir. Bu barədə "Qafqazşünas", Gürcüstanda yaşayan
Kamran Ramazanlı bildirir.
K.Ramazanlı deyir ki, tələbə kateqoriyasının Azərbaycana gəlməsində problem olmasa da, iş axtarışı ilə gələnlərin problemi əksinə çoxdur.
K.Ramazanlıya görə, iş icazəsi almaq üçün rüsumlar, eləcə də tibbi müayinələrdə də qiymətlər bahadır, Gürcüstanda isə iş yerləri çox məhduddur.
Onun sözlərinə görə, azərbaycanlılar iş üçün Türkiyəyə və Azərbaycana daha çox üz tuturlar.
K.Ramazanlinin iddiasına görə, Gürcüstanın müstəqilliyinin ilk dövründə ölkədən 2 mindən çox azərbaycanlı ailəsi qovulub, onların çoxu Azərbaycanda məskunlaşıblar: "Bu günə qədər istər Gürcüstanda, istərsə də Azərbaycanda onların statusuna aydınlıq gətirilməyib. Hətta Azərbaycan ordusunda xidmət etmiş yüksək rütbəli zabitlər belə onlar da Azərbaycan vətəndaşlığını ala bilməyiblər".
Onun sözlərinə görə, qarışıq nigahlı ailələr 30 min nəfərə yaxın insanı əhatə edir, belə ailələrin üzvlərindən biri Azərbaycan, digəri Gürcüstan vətəndaşlarıdır, onların da 3 aydan bir sərhəddi keçməsi, övladlarının təhsil problemləri və.s kimi problemləri var.
K.Ramazanlı deyir ki, bu qrupun da statusuna aydınlıq gətirilməlidir.
Onun sözlərinə görə, sadalanan çoxsaylı problemləri nəzərə alaraq, Azərbaycan Miqrasiya Xidməti, ziyalılar və QHT- lərlə birgə İctimai Dinləmə keçirilməsini, Milli Məclisin isə problemlərin tam aradan qaldıra bilmək üçün "Soydaş haqqında" qanunun qəbul olunmasını təklif edir. -05D-
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz