Azərbaycanda müstəqil informasiyanın İnternet KİV vasitəsilə yayılması, həmçinin istifadəçilərin sürətli İnternetə çıxış imkanları məhdudlaşdırılır. Kanada hökumətinin dəstəyilə Bakıda keçirilən “Elektron hüquq – perspektivlər və reallıqlar” mövzusunda konfransda debatların nəticələrinə əsasən belə fikir yürütmək olar.
Reallıq belədir ki, Azərbaycan hökuməti aktiv istifadəçilərə, tənqidçi jurnalistlərə və blogerlərə qarşı təzyiqləri artırır, beynəlxalq standartlar üzrə İnternet medianın inkişafı sahəsində yerli müstəqil QHT-lərlə əməkdaşlıqdan imtina edir.
Konfransa dəvət alan rəsmi şəxslərin heç biri tədbirə məhəl qoymayıb. Bunu təşkilatçılardan biri, Reportyorların Azadlıq və Təhlükəsizlik İnstitutunun direktoru Emin Hüseynov deyib.
Hakimiyyətin təqibləri nəticəsində özünüsenzura Azərbaycanın İnternet məkanında əsas qırmanca çevrilir. Bura jurnalistlərin və blogerlərin narkotik maddə, silah saxlamaq kimi ittihamlarla həbsini də aid etmək olar. Bunu RATİ-nin hüquqşünası Günay İsmayılova bildirib.
Vaxtaşırı xüsusi xidmətin və polisin təqibləri ilə üzləşən “Sancaq” satirik saytının aparıcısı Mehman Hüseynov qeyd edib ki, təzyiqlər pulla ələ alınma və qorxutma şəklində baş verib.
2009-cu ildə blogerlər Adnan Hacızadə və Emin Millinin həbsindən sonra fasilə yaransa da 2013-cü ildə blogerlərə təzyiqlər yenidən başlayıb. Rəşad Ramazanov, Zaur Qurbanlı, İlqar Məmmədov, Tofiq Yaqublu və başqaları həbs olunub. Polisdə dindirmədən sonra bloger Nilufər Süleymanova intihar edib.
Digər tərəfdən hökumət Azərbaycanda İnternetin keyfiyyətcə beynəlxalq normalara uyğunlaşmaması və çatımlı olmaması üçün hər şeyi edir.
Beynəlxalq İREX təşkilatının hüquqşünası Ələsgər Məmmədli deyib ki, faktiki olaraq Azərbaycanda istehlakçıların hüquqları kütləvi şəkildə pozulur, çünki bir çox yerlərdə, əsasən əyalətlərdə adamlar sürətli İnternet imkanlarından məhrumdur.
Media Hüququ İnstitutunun direktoru Rəşid Hacılı bildirib ki, Hollandiya, Estoniya kimi ölkələrdə İnternetdən bərabər istifadə imkanlarının yaradılması qanunvericilikdə əksini tapıb.
Ə.Məmmədli İnternetin elektrik, su, qaz, telefon kimi universal xidmətlər siyahısına daxil edilməsinə tərəfdar olduğunu bildirib.
Sərtləşdirmə tendensiyaya çevrilir və ölkə parlamenti də buna rəng qatır. Belə ki, öncə jurnalistlərə, sonra da deputatlara parlament binasında smartfonlardan istifadəni qadağa edib. Bu tendensiya digər qurumlara da keçir, R. Hacılı vurğulayıb.
E.Hüseynov etiraf edib ki, İnternet məkanın, xüsusilə də sosial şəbəkələrin azadlığını müdafiə etmək getdikcə çətinləşir.-0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz