Bakı/18.01.18/Turan: Yanvarın 17-də FHN-in xilasediciləri dekabrda Tufandağda itkin düşən üç alpinistin axtarışını davam etdiriblər.
FHN mətbuat xidmətinin məlumatına görə, axtarışlar 3000-3200 m. yüksəklikdə xüsusi texnika və vasitələrin tətbiqilə aparılır. Hələlik axtarış nəticə verməyib.
Xatırladaq ki, üç alpinist - Namin Bünyadov, Babur Hüseynov və Fəridə Cəbrayılzadə dekabrın 24-də itkin düşüblər. Onlar Xınalıq kəndindən dekabrın 23-də çıxıblar və növbəti gün Tufandağa (4195 m.) qalxmalı idilər.
Bəzi məlumatlara görə, itkin düşənlərin axtarışı dekabrın 26-da, digər məlumatlara görə, dekabrın 27-də başlayıb.
Mütəxəssislər ehtimal edirlər ki, alpinistlər dağ yamaclarından birində uçqun altında qalıblar.
Üç həftə aparılan axtarışlar nəticəsində nə alpinistlərin özlərini, nə də bir iz tapmaq mümkün olmayıb.
Axtarış aparanların sözlərinə görə, uçqun yerində qar örtüyünün hündürlüyü 8 metrə qədərdir. -02D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz