Bakı/18.01.18/Turan: Yanvarın 18-də Avropa İnsan Hüquqları Məhkəməsi "Bizim Yol" qəzetinin müxbiri Müşfiq Hüseynovun hüquqlarının pozulması barədə şikayətini təmin etib.
Avropa İnsan Hüquqları Məhkəməsi jurnalistin Avropa İnsan Hüquqları Konvensiyasının 5.3 (azadlıq və toxunulmazlıq hüququ) və 6.2 (ədalətli Məhkəmə araşdırması hüququ) maddələrində nəzərdə tutulan hüquqlarının pozulduğunu tanıyıb və buna görə 4.000 avro kompensasiyanın ödənilməsi barədə qərar qəbul edib. Bu barədə Turan-a jurnalistin hüquqlarını Avropa Məhkəməsində müdafiə edən nümayəndə Samirə Ağayeva deyib.
M.Hüseynov 2007-ci ildə Azərbaycan Cinayət Məcəlləsinin 311-ci maddəsi (rüşvət alma) ilə təqsirli bilinərək həbs edilib. 2009-cu ilin dekabrında prezident sərəncamı ilə əfv olunub. Jurnalistin hüquqlarını yerli məhkəmələrdən mərhum vəkil İsaxan Aşurov müdafiə edib. Məhkəmə qərarından Avropa məhkəməsinə şikayət 2008-ci ildə göndərilib, 2016-cı ildə son kommunikasiya bitib.-03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz