Kürdəmir, Ağsu və Şamaxı tibb müəssələrində press-tur

Səhiyyə Nazirliyi avqustun 26-27-də Kürdəmir, Ağsu və Şamaxı rayonlarına jurnalistlərin regionlarda fəaliyyət göstərən tibbi müəssələrində real vəziyyətlə, görülən işlərlə tanış olmaq üçüçn növbəti press-tur təşkil edib.

Bundan öncəki press-turlar Qarabağ və  şimal-qerb  bölgələrində olub.

Kürdəmir Mərkəzi Rayon Xəstəxanasının (MRX) baş həkimi Musayev Məhəmməd bildirib ki,2012-ci il dekabr ayında əsaslı təmir olunub, müasir avadanlıqlarla təmin edilib. Xəstəxana 157 çarpayılıqdır. Baş həkimin sözlərinə görə əlillərə, Qarabağ müharibəsi əlillərinə, veteranlara, Çernobıl əlillərinə növbədənkənar tibbi xidmətlər göstərilir. Əhaliyə göstərilən səhiyyə xidməti ilə 106 nəfər həkim, 398 nəfər orta  ixtisaslı tibb işçisi məşğul olur.  Gün ərzində MRX-na 1000-ə yaxın vətəndaş müraciət edir.  

Media nümayəndələri daha sonra Ağsu Mərkəzi Rayon Xəstəxanasına baş çəkiblər. Xəstəxananın baş həkim müavini Əli Hüseynov bildirib ki,  2013-cü ildə xəstəxana əsaslı təmir olunub. Xəstəxanada cərrahiyə, terapiya, təcili yardım, uşaq poliklinikası şöbəsi və s. vardır. Dərman təchizatı əvvəlki illərə nisbətən artıb.

Tur iştirakçılarının son dayanacağı Şamaxı Mərkəzi Rayon Xəstəxanası olub. Xəstəxananın Baş həkiminin  müavini Fazil Məmmədov jurnalistlərə açıqlamasında qeyd edib ki, rayonun 95 min əhalisinə 146 çarpayılıq olmaqla 2 xəstəxana – Şamaxı MRX və Göylər kənd xəstəxanası qulluq edir.

“Bundan əlavə kənd yerlərində 14 həkim məntəqəsi, 20 tibb məntəqəsi var. Həkimlərimizin sayı 155, orta tibb işçiləri isə 265 nəfərdir”, Məmmədov bildirdi.

Söhbətlə zamanı  məlum olub ki,  xəstəxanalarda əsas problem həkim çatışmamazlığıdır. Məsələn,  Kürdəmir MRX-da 62 müxtəlif ixtisaslı həkim və 108 orta tibb işçisi, Şamaxıda 48 hekim , 99 orta tibb yeri boşdur. Həkimlərin bildirdiyinə görə maaş aşağı olduğu üçün həkimlər şəhər xəstəxanalarına üz tuturlar.

Xəstəliklər arsında ən çox  şəkərli-diabet, vərəm və  ankoloji xəstəliklərin  yayılması  müşaidə olunur.

Kürdəmir Rayon üzrə 2687 şəkərli-diabet, Ağsuda isə 1750 şəkərli diabet xəstə, yəni hər 10-dən biri  qeydiyyatdadır.

Kürdəmirdə  873 vərəm, 142 xroniki böyrək çatışmazlığı, 516 onkoloji , 148 talassemiya xəstələri, Şamaxıda isə 400-ə yaxın onkoloji xəstə var.

Statiskaya əsasən ölkə üzrə 2015-ci ildə onkoloji xəstələrin sayı 100 min nəfərə 106,8 nəfər, 2015-ci ildə isə vərəm xəstələrinin sayı 100 min nəfərə 41,3 nəfər düşür.--0—