Media-icmal 27.08.18

Bakının istirahət məkanına dönməsi, məktəbə hazırlıq xərcləri, audit yoxlamalarının nəticələri və s. məsələlər bugünkü (27 avqust, 2017-ci il) medianın aparıcı mövzularındandır.

Bakı istirahət məkanı kimi...

"Azərbaycan" qəzeti "Bakı parklar, bağlar şəhəridir" sərlövhəli məqalədə paytaxt sakinlərinin istirahətinin təşkilini dəyərləndirir.

Müəllif deyir ki, bu günə kimi Azərbaycana istirahətə gələn yerli və xarici ölkə vətəndaşlarının sayı iki milyondan, Bakıya gələnlər isə bir milyondan çox olub, səbəb də budur ki, Bakı və ətraf qəsəbələri gündən-günə gözəlləşir, abadlaşır, insanların sosial şəraitinin hərtərəfli təmini və istirahəti üçün lazımi infrastruktur yaradılır.

Müəllif vurğulayır ki, Bakının nəfəs dərməli yerlərindən biri vaxtilə 3,5 hektar olan, son 3-4 il ərzində genişləndirilərək 16 hektara çatdırılan Bakı bulvarıdır.

Müəllif Avropada yaşayan, yayda Azərbaycana dönən azərbaycanlılarla danışdığını və onların Bakı bulvarındakı şəraitdən razı qaldıqlarını bildirir.

Müəllif bildirir ki, son illər şəhərdə, ətraf qəsəbələrdə yaradılmış 49-dan çox yeni salınmış, 87-dən çox əsaslı təmir olunmuş mədəniyyət və istirahət parkı, istirahət guşələridir və bu mənada dövlət başçısı İlham Əliyevin bu yaxınlarda Yasamal rayonunun Mətbuat prospektində yeni salınan parkda yaradılan şəraitlə tanış olarkən çıxışından sitat gətirir: "Son illər ərzində Bakı şəhərində bir çox park, ictimai yerləri, istirahət guşələri yaradılmışdır, indi Bakı parklar, bağlar şəhəridir".

Müəllif hesab edir ki, belə parklardan biri də Heydər Əliyev Sarayının arxasından Akademik Milli Dram Teatrına qədər uzanan "Qış bulvarı" park-fəvvarə kompleksidir.

Müəllif 4 hektar sahəsi olan Zabitlər parkının görünüşünün də tamamilə dəyişdiyini və istirahət üçün əlverişli məkana döndüyünü və burada orijinal işıqlandırma sistemi, daş fəvvarə və bürünc heykəllərin qoyulduğunu bildirir.

Müəllif Bakı sakinlərinin Rixard Zorgenin adını daşıyan parkda, Dədə Qorqud bağında, Heydər Əliyev Mərkəzinin ətrafında yaradılan parkda istirahət etdiklərini deyir və onlar son 20 ildə Bakının sürətlə dəyişdiyini söyləyirlər.

Müəllif eyni zamanda Bakıətrafı qəsəbələrdə də belə mənzərənin şahidi olduğunu vurğulayır və Biləcəri qəsəbəsində ərazisi 4 hektar olan istirahət məkanının qurulduğunu söyləyir.

Müəllifə görə, sakinlər "Bakı parkları əsl istirahət yeridir, buranı qoyub uzaq şəhərlərə nə gəzməyə, nə istirahətə getməyə, nə də yersiz xərcə düşməyə dəyməz" deyirlər.

Məktəbə hazırlıq və ailə büdcəsi

"Müsavat.com" saytında "Məktəbli ləvazimatları: yarmarka daha ucuzdur, yoxsa mağazalar?" sərlövhəli məqalə oxumaq olar.

Müəllif növbəti dərs ilinə hazırlıq, məktəbli ləvazimatlarının qiymətləri və bir məktəblinin dəsr ilinə hazırlığının ailə büdcəsinə neçəyə başa gəlməsini müzakirə edir.

Məqalə müəllifi deyir ki, artıq bir neçə gündür ki, Bakının müxtəlif mərkəzi yerlərində məktəb ləvazimatlarının satışı üçün yarmarkalar fəaliyyətə başlayıb.

Müəllif deyir ki, yarmarkalarda məktəbliyə lazım olan bütün ləvazimatlar satılsa da alıcı o qədər də çox deyildi və satıcılar burada qiymətlərin mağazalarla müqayisədə aşağı olduğunu bidirirdilər: "Əgər məktəbli üçün lazım olan bütün ləvazimatlar alınırsa, o zaman endirim də edirlər. Müşahidə etdik ki, burada satılan məktəbli çantalarının qiyməti 28 manatdan başlayıb, 55 manata qədər dəyişir.

Satıcılar söylədilər ki, əgər digər ləvazimatlarla birlikdə çanta da alınarsa, o zaman çantanın qiymətində 4-5 manata qədər endirim edirlər. Qiymətlərə gəlincə, müəllif deyir ki, 12 vərəqli dəftər 10 qəpiyə, 40 vərəqli dəftər isə 30-40 qəpiyə, 60 vərəqli dəftərlər 40-50 qəpiyə, 100 vərəqli dəftər isə 60-80 qəpiyə sayılır. Eyni zamanda yapışdırıcı 60 qəpik-1 manat, su qabları 10-12 manat, qələmyonanlar 1.50-2 manat, qələmlər 10-50 qəpiyə, rəngli karandaşlar 3-12 manata, rəsm albomu 30 qəpiyə, sadə karandaşlar 20-40 qəpiyə satılır.

Müəllif bildirir ki, geyimlərə gəlincə, köynək 8 manat, şalvar 15-18 manat, pencək - 25 manat, yubka - 15-18 manata satılır və satıcılar valideynlərin daha çox "Sədərək", Binə" bazarlara üz tuttuqlarını söyləyiblər.

Məqalə müəllifi deyir ki, daha sonra iri mağazalardan birinə yollanıb, orada satılan məktəbli ləvazimatlarının qiyməti ilə maraqlanıblar. Burada çeşid daha çox olub, qiymətlər də fərqli imiş: "Belə ki, mağazalarda istənilən qiymətə çanta tapmaq mümkündür, məsələn 8 manata da məktəbli çantası satılır, 80 manata da. Lakin təbii ki, keyfiyyətdə ciddi fərqlər var, ucuz çantalar daha çox Çin istehsalıdır və ibtidai sinif şagirdlərinin istifadəsi üçün nəzərdə tutulub. Mağazalarda su qabları 3 manatdan başlayır, qələm, karandaş, qələmyonanlar da demək olar ki, yarmarka ilə eyni qiymətədir. Mağazada 12 vərəqli dəftərlər 11 qəpik, 20 vərəqli 27 qəpik, 24 vərəqli 36 qəpik, 40 vərəqli 35 qəpik, 50 vərəqli 1.15 manat, 80 vərəqli 1.85 manat. Yerli istehsal olan 48 vərəqli dəftər 60 qəpik, 60 vərəqli 50 qəpik, 80 vərəqli 75 qəpik, 96 vərəqli dəftər 1 manat, 100 vərəqli dəftər isə 79 qəpiyə satılır".

Müəllif deyir ki, ayaqqabı və s. ləvazimatları da nəzərə alsaq, bir uşağın məktəbə getməsi orta hesabla 150-180 manata başa gəlir.

Müəllifin deməsinə görə, valideynlər ötən il ilə müqayisədə ləvazimatların yox, yalnız çantaların qiymətində bahalaşmanı müşahidə edirlər.

Görün, milyonlar olan yerdə nələr baş verir?

"Novoye Vremya" qəzetində isə "Arxiv İdarəsindəki vaxtı keçmiş kartriclər nədən xəbər verir?" sərlövhəli məqalə diqqət cəlb edir.

Müəllif Milli Arxiv İdarəsinə yeni rəhbərin təyin olunması və Müəllif Hesablama Palatasının Milli Arxiv İdarəsində arapdığı yoxlamanı və bu yoxlamanın idarəyə yeni rəhbər təyin olunmasından sonra elan olunmasını diqqətə çatdırır.

Müəllif deyir ki, Palatının hesabatına görə, auditin nəticəsi olaraq bəi materiallar Baş Prokurorluğa göndərilib: "Audit idarənin 2016-cı il yanvarın 1-dən 2018-ci il yanvarın 1-nə kimi iki illik büdcəsini əhatə edib və 6455,7 min manat vəsaiti əhatə edib. Belə ki, büdcə layihəsinə görə, idarə 2016-cı ildə idarəetmə xərclərinə görə 494,3 min manat, elmi tədqiqatlara görə isə 4659,9 min manat, 2017-ci ildə isə idarə xərclərinə görə 505,4 min manat, elmi tədqiqatlara görə 4765,8 min manat alıb. Başqa sözlə, idarə iki ildə dövlət büdcəsindən 10425,4 min manat vəsait alıb".

Müəllif deyir ki, bu həcmin 8,5 milyon manatı xərclənib, qalan 1 milyon 500 min manatdan yuxarı vəsait auditə cəlb olunmayıb.

Yazı müəllifi deyir ki, elmi tədqiqatlarla bağlı vəsaitlərin ancaq 35%-i maaşlara yönəldilib, halbuki, elmi müəssisələrdə bu 65%-ə bərabərdir və buna görə də bu sahədə hansısa elmi uğurdan danışmaq olmur.

Müəllif dövlət satınalma reyestrinə istinadən deyir ki, idarə 2017-ci ildə ümumi məbləği 1599,8 min manat olan tender keçirib, qalan vəsaitlər dövlət büdcəsinə qaytarılıb, daha çox vəsait "digər maşın və avadanlıqların alınmasına" 778,8 min manat xərclənib və bu 14 tenderin 6-da qalib "İnpeks.N." şirkəti olub.

Müəllif deyir ki, Hesablama Palatası özü də alınan avadanlıqların əksər hissəsinin anbarlarda isifadəsiz qaldığını bildirir.

Müəllif vurğulayır ki, xərclərə görə ikinci yeri 321,5 min manat olmaqla təmir tutur, bunu da adı çəkilən şirkət yerinə yetirib, üstəlik bu şirkət idarəyə "digər xərclər" və "kommunal və kommunikasiya xidmətləri" göstərib.

Müəllif deyir ki, daha diqqət çəkən bir məsələ idarənin lazım olmasından 4-5 dəfə artıq xidməti geyim forması, eləcə də vaxtı keçmiş kartriclər almasıdır.

Müəalə müəllifi xatırladır ki Milli Arxiv İdarısi hələ büdcəsi kiçik olan qurumdur, görün, büdcəsi 1 milyonlarla ölçülən qurumlarda nələr baş verir.

Müəllifə görə, ölkədə normal audit idarələrdə ya hansısa biabırçılıq baş verəndə, ya da rəhbərlik dəyişdikdə keçirilir, odur ki, şəffaflıq və hesabatlılıq burada prinsipial sayılmır.