Mətbuat-Monitorinq 09.05.14

Rəsmi qəzetlər dövlət başçısı İlham Əliyevin Rusiyanın uşaq hüquqları üzrə müvəkkilini qəbul etməsi, Milli Nüvə Tədqiqatları Mərkəzi QSC-nin yaradılması barədə fərman imzalaması haqda xəbərləri ilk səhifələrə yerləşdiriblər.

“Azadlıq” qəzeti alman mətbuatının nazir Kəmaləddin Heydərovun oğlunu “kürü diplomatiyası”nda, ARDNŞ prezidenti Rövnəq Abdullayevi korrupsiyada ittiham etdiyini yazaraq bunu “alman mətbuatının Əliyevləri vurması” adlandırır.

Xəbər resurslarına istinadən Dini Komitənin keçmiş sədri Elşad İsgəndərovu “nurçu”larla əlaqələrə aid sənədləri məhv etməkdə, maliyyə sənədlərini isə dəyişdirməkdə ittiham edilir.

QHT rəhbəri Anar Məmmədlinin məhkəmə prosesinə diqqət çəkən qəzet prosesdə bütün şahidlərin QHT rəhbərinin xeyrinə ifadələr verdiyini bildirir.

Qəzet yazır ki, Fransa mətbuatı Azərbaycanda son həbslərə “demokrat ovunun sülhü uzaqlaşdırması” mövqeyini ifadə edib.

Qəzet qeyd edir ki, vaqon bələdçisi Həşim Rəsulov işdən çıxarılması ilə bağlı Bakı Vaqon Deposunun  rəisilə onun xidməti otağında mübahisədən sonra halı pisləşib və elə oradaca dünyasını dəyişib.

“Ekspress” qəzeti uşaq doğumu ilə bağlı süni mayalanmanın əleyhinə çıxan Qafqaz Müsəlmanları İdarəsi “belə doğulan uşaqların haramzada sayılacağı” mövqeyini səsləndirib.

Qəzet yazır ki, İspaniyanın “Atletiko Madrid” futbol klubunun geyimi üzərində “Azərbaycan Odlar Yurdu” yazılmış təbliğat ifadəsi İran mətbuatında  “Azərbaycan” sözü çıxarılaraq əksini tapır.

“Novoe Vremya”  Fransa prezidentinin bu günlərdə Azərbaycana gözlənilən səfərinə diqqət çəkərək “Fransua Olland demokratik dəyərləri yada salacaqmı?” sualını gündəmə gətirir.

“Bizim yol”  nizamnamə kapitalı tələb edilən həddə olmayan bankların fəaliyyət müddətinin çox az qalmasına işarə edərək ölkədə olan 9 belə bankın müflis olmasına günlər qaldığını yazır.

Qəzetin yazdığına görə, Təhsil Nazirliyi özəl ali məktəblərə jurnalistika ixtisası üzrə qəbul aparmaq üçün icazə verməyib.

Qəzet Rusiyanın rəsmi mənbələrinə istinadən general Denis Suqrobovun Azərbaycana qaçmaq istərkən yaxalandığını nəzərə çatdırır.

“Yeni Müsavat”  qəzeti müxbir Fərahim İlqaroğlunun döyülməsində təqsirli olan Tural Bayramov adlı şəxsin həbsilə bağlı nazir Ziya Məmmədovun yaxın ətrafının istintaqa təzyiq göstərməsini ulk səhifəyə çıxarıb.

Qəzet son vaxtlar “nurçuluq”da ittiham edilən deputat Ceyhun Osmanlıya yaxın “İrəli” təşkilatı bu gün Rusiya səfirliyi ilə birlikdə Rusiyanın işğal rəmzi olan “Georgiyev lenti” paylaya biləcəyini nəzərə çatdırır.

Qəzet qeyd edir ki, Bakının Bakıxanov qəsəbəsindəki “Arzu” şadlıq evinin yanında narkotik maddə açıq şəkildə satıldığı üçün narkomanlar bu qəsəbəyə axın edirlər.