Bu gün Bakıda Azərbaycanın Baş prokuroru yanında Korrupsiyaya qarşı Mübarizə İdarəsində İqtisadi Əməkdaşlıq və İnkişaf Təşkilatı (OECD) Azərbaycanın Üçüncü Dəyərləndirmə Raundunun yekunları ilə bağlı hesabatının təqdimetmə mərasimi keçirilib. Mərasimdə beynəlxalq və yerli ekspertlər, qeyri hökumət təşkilatlarının rəhbərləri, prokurorlar, nazirliklərin nümayəndələri, Korrupsiyaya Qarşı Mübarizə üzrə Komissiyanın katibliyinin rəhbəri iştirak edib.
Azərbaycan Dəyərləndirmə Raundunun birinci mərhələsini müvəffəqiyyətlə keçən ilk dövlətdir.
Hesabatda antikorrupsiya qanunvericiliyi, icra səviyyəsi, habelə Baş prokuror yanında Korrupsiyaya qarşı Mübarizə İdarəsinin modelinin uğurlu nümunə kimi tanınması, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin şəffaflığın artırılmasında rolu qeyd edilir. Azərbaycanın qurumun 18 tövsiyənin hamısını uğurla icra ediləcəyinə əminlik ifadə olunub.
Bununla yanaşı hesabatda çoxsaylı tənqidlərdə yer alıb. “İrəliləyişlərə baxmayaraq hələ də ölkədə korrupsiya hələ də bir fəaliyyət olaraq qalmaqdadır, korrupsiyanın ümumi təhlili kriteriyaları mövcud deyil. Hökumət sorğular, monitorinqlər keçirir, amma nəticələri əhali üçün açıqlanmır. Tövsiyə edirik ki, Antikorrupsiya komissiyasının strukturu və say tərkibi genişləndirilsin. Çünki vətəndaşlar antikorrupsiya tədbirlərinin genişləndirilməsini və dərinləşdirilməsini istəyir”, OECD-in İstanbul Fəaliyyət Planının layihə rəhbəri Tetyana Xavanska qeyd edib.
Ölkədə 2005-ci ildə “Korrupsiyaya qarşı mübarizə haqqında” qanun qəbul edilib, nazirlər kabinetinə aktivlərin bəyannaməsinin elan edilməsi üçün blank formasının hazırlanması tapşırılıb, hələ də yerinə yetirilmir. “Ölkədə aktivlər bəyan edilmir, yüksək vəzifəli şəxslərin immunitetləri olduğundan (hakimlər və deputatlar) onların məsuliyyətə cəlb edilməsini çətinləşdirir. Bank və kommersiya məlumatlarının əldə edilməsi asanlaşdırılmalı, vəzifəli şəxslərin immunitetləri azaldılmalıdır. Gözləyirik ki, daha böyük korporasiya və hüquqi şəxslərin korrupsiya əməlləri ilə bağlı işlər də olacaq”, Xavanska bildirib.
Tövsiyələr arasında həmçinin aşağı və orta dövlət məmurları ilə yanaşı yüksək dövlət məmurlarının da rəqabət əsasında işə qəbulu məsələsinin yer aldığı qeyd edilib.
“Biz Azərbaycan hökumətini tövsiyələri tam şəkildə yerinə yetirməyə çağırırıq və bu istiqamətdə tənqid və təzyiqlərimizi davam etdirəcəyik. Hələlik immunitetlərin azaldılması ilə bağlı hökumət və parlament ruhlandırıcı qərarlar vermir. Aktivlərin bəyan edilməsi ölkə bağlı müxtəlif təcrübələri və blank formalarını əks etdirən kitab da çap edib yaymışıq. Regionda yalnız Azərbaycan və Türkmənistanda aktivlər bəyan edilmir. Gürcüstanın yaxşı nümunəsi var. Bu ölkədə aktivlər on-layn bəyan edilir və ictimaiyyət üçün açıqdır”, İqtisadi Əməkdaşlıq və İnkişaf Təşkilatının (OECD) Katibliyinin Antikorrupsiya məsələləri üzrə baş müşaviri Olqa Savran qeyd edib.
OECD apardığı monitorinqin nəticələri və tövsiyələri kitab şəklində çap edilib. Kitabda geniş tövsiyələr paketi də yer alıb. -03C-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz