Bakı/03.07.17/Turan: Azərbaycanlı iş adamı, "Tern Transport & Trading CZ" şirkətinin rəhbəri Rəşad Qafarov Praqada öz maşınında ölü vəziyyətdə tapılıb.
"Azadlıq" radiosunun məlumatına görə, Çexiyanın "Nova TV" televiziyası xəbər yayıb ki, hadisə günorta baş verib. Onun üzərində bıçaq xəsarətləri olub.
Polis hələlik hadisənin baş verməsi ilə bağlı məlumat yaymayıb.
Azərbaycanın Çexiyadakı Konsulluğundan "Azadlıq" radiosuna deyiblər ki, iyunun 30-da Çexiya polisindən onlara şifahi məlumat daxil olub.
"Rəşad Qafarovun öz maşınında cansız vəziyyətdə" tapılması haqda məlumat verilib, hadisənin araşdırıldığı bildirilib.
R. Qafarovun rəhbəri olduğu "Tern Transport Trading CZ" və "Caspian Logistic Services" şirkətləri Çexiyada müxtəlif tədbirlər, eləcə də eks- prezident Heydər Əliyevin anadan olmasının 92-ci ildönümü münasibətilə Praqada qala konsert təşkil edib.
Çexiyanın kommersiya şirkətləri haqda məlumat bazasında - R.Qafarovun "Tern Transport Trading CZ" və "Caspian Logistic Services"-dən başqa "CLS-Cargo s.r.o", "Oriental Petroleum Ltd" şirkətləri də var.
Bu şirkətlər 2010-cu ildən sonra yaradılıb.
R. Qafarovun Linken in hesabında qeyd olunur ki, o 2002-ci ildən 2013-cü ilə qədər "Panalpina Central Asia EC-nin Azərbaycan filialında müştərilərə xidmət meneceri işləyib. Azərbaycan mediasında onun adı elə daha çox Panalpina ilə münaqişədə hallanıb.
ANS televiziyası 2016-cı ildə hazırladığı reportajda BP şirkətinə yük daşıma xidmətləri göstərən Panalpinanın maliyyə fırıldaqlığı ilə iddialardan bəhs edib.
Yerli media yazır ki, bu şirkətin maliyyə fırıldaqlığı ilə bağlı faktları şirkətin keçmiş əməkdaşı R. Qafarov yayıb.-16D-
Rəy yaz
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
1 rəy
Ali Gafarov
2024-05-18
:(