Prokuror məktəb direktorunun azadlığının 2,5 il müddətinə məhdudlaşdırılmasını istəyir
Bakı/16.10.19/Turan: Oktyabrın 16-da Bakının 162 saylı məktəbinin şagirdi Elina Hacıyevanın ölümü ilə bağlı iş üzrə məhkəmədə dövlət ittihamçısının yekun çıxışı olub.
Prokuror təqsirləndirilən şəxs - məktəbin keçmiş direktoru Sevinc Abbasovanın azadlığının 2,5 il müddətinə məhdudlaşdırılması və 3 il ərzində müəllimliklə məşğul olmasının və təhsil müəssisələrində vəzifə tutmasının qadağan edilməsi barədə hökm verməyi təklif edib.
İclasdan sonra zərərçəkmiş tərəfin vəkilləri bildiriblər ki, dövlət ittihamçısının təklifi ilə razı deyillər, belə ki, cəza çox yüngül və insan ölümünə gətirib çıxaran cinayət əməlinə adekvat deyil. Bu cəza növü məhkuma müəyyən qadağalar qoyur, amma azadlıqdan tamamilə məhrumetməni nəzərdə tutmur.
Növbəti məhkəmə iclası 18 oktyabr saat 10.30-a təyin edilib.
* 2019-cu il aprelin 4-də məktəb şagirdi Elina Hacıyeva məktəbin üçüncü mərtəbəsindən özünü atıb. Faktla bağlı Bakı Şəhər Prokurorluğunda CM-in 125-ci (özünü öldürmə həddinə çatdırma) maddə ilə cinayət işi açılıb.
Sonradan məktəbin direktoru Sevinc Abbasova məsuliyyətə cəlb edilib. Ona qarşı CM-in 143-cü (təhlükədə qoyma) və 314.2-ci (səhlənkarlıq, zərərçəkmişin ölümünə səbəb olduqda) maddələri ilə ittiham irəli sürülüb. Amma 125-ci (özünü öldürmə həddinə çatdırma) maddə ilə heç kim məsuliyyətə cəlb edilməyib. -30D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz