Bakı/18.10.19/Turan: Cümə günü Bakı Ağır Cinayətlər Məhkəməsində "Kaspi liseyi ümumtəhsil məktəbi" MMC-də 564 min manatın məimsənilməsi işi üzrə prosesdə yekun çıxışlar olub.
İş üzrə iki müttəhim keçir - liseyin mühasibləri Tural Məmmədov və Fəraim Möhbalıyev. Onıar liseyin təsisçisi Sona Vəliyevanın (Azərbaycan prezidentinin köməkçsi Əli Həsənovun xanımı) şikayəti əsasında həbs ediliblər və CM-in 179.4-cü maddəsi (külli miqdarda mənimsəmə) ilə ittiham olunublar.
Proses zamanı müttəhimlər S.Vəliyevanın məhkəməyə çağırılmasına təkid ediblər, lakin bu, olmayıb. Hakim məhkəmə istintaqının başa çatdığını bildirəndə müttəhimıər qeyri-obyektiv araşdırmaya etiraz olaraq aclıq elan ediblər.
Bugünkü iclasda prokuror T.Məmmədovun və F.Möhbalıyevin şərti olaraq 6 il azadlıqdan məhrum edilməsini istəyib.
İttihamda qeyd edilib ki, 2018-ci ilin aprel-oktyabr aylarında 454 nəfər şagirdin təhsili üçün 1 milyon 366 min manat pul ödənilib. Ancaq baş mühasib və mühasib vəsaitin 564 minini sistemə daxil etməyib mənimsəyiblər.
Baş mühasib T.Məmmədov özünü qismən təqsirli bilərək deyib ki, pula ehtiyacı olduğundan vəsaitin bir hissəsini götürüb, amma məbləğ ittihamda yazıldığı kimi 564 min manat deyil, 350 min maatdır. Onun sözlərinə görə, təsisçi S.Vəliyeva ona təklif edib ki, bütün məbləği götürdüyünü boynuna alsa, polisə şikayət etməyəcək.
"Ona inanıb dediyi kimi izahat yazdım, pulu geri ödəmək üçün 1 il möhlət verməsini xahiş etdim", - T.Məmmədov məhkəmədə deyib.
F.Möhbalıyev özünü təqsirli saymayıb.
Qeyd edək ki, sözügedən maddə 7 ilədək azadlıqdan məhrumetməni nəzərdə tutur. İstintaqın niyə birdən öz mövqeyini yumşaltmaq qərarına gəldiyini düşünmək qalır.-21C-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz