Sakinlər Apellyasiya Məhkəməsindən onları gecələr evlərini dağıdanlardan qorumağı xahiş edirlər

Bakının Səbayel rayonunun Əlibəy Hüseynzadə küçəsində yerləşən 8 saylı binadakı 48 ailəni Sabah Residence tkinti şirkəti rəhbərliyinin hədələrinin icra ediləcəyi təhlükəsi gözləyir. Belə ki, şirkət rəhbərliyi öz xoşu ilə çixmaq istəməyən sakinlərin "qulağından tutub" özəlləşdirilmiş mənzillərdən bayıra atacaqlarını bildirib. Mənzil sahibləri evi bu şirkətə verməyə ehtiyat edirlər. Sakinlər Onlar şirkətin onları mənzillə təmin edəcəyinə, bomya çevirməyəcəyinə əmin deyil. Bayıra atmasalar da qaz, su, elektrik xətlərini kəsəcəklər, orada yaşayış şəraitini dözülməz edəcəklər", - onlar Turan-a bildiriblər.

Sabah Residence sakinlərə təklif edilən müqavilənin şərtlərini yerinə yetirəcəyinə zəmanət vermir, çünki şirkətin nizamnamə kapitalı çox kiçikdir, həmin vəsaitə hətta bir mənzil belə tikmək olmaz.

Şirkətin sahibi Abil Səfərov sakinlərlə görüş zamanı onları əmin edib ki, müvəqqəti yaşamaq üçün kirayə haqqının ödənilməsinə və tikintinin maliyyələdirilməsinə vəsait tapacaq: "Bu, sizin işiniz deyil". Ancaq vətəndaşlar inanmırlar, çünki dövlət Bakıda Mənzil Fondunun renovasiyası haqqında Nazirlər Kabinetinin qalmaqallı 86 saylı qərarı (25 fevral 2016-cı il) çərçivəsində bu cür müqavilələrin icrasına qarant kimi çıxış etmir.

Səbayel rayonunun icra başçısı, bu yaxınlarda paytaxt İcra Hakimiyyətinin başçısı olmuş Eldar Əzizov köhnə evlərin sökülməsi və yenisinin tikilməsi barədə Sabah Residence-ə icazə verilməsi barədə sərəncam imzalayıb. Lakin bu, sakinlərin razılığı ilə həyata keçirilməlidir.

Artıq deyildiyi kimi, vətəndaşlar tikinti şirkətinin şərtləri ilə razı deyil. Şirkət binanı tam sökmək üçün razılaşma sənədinin imzalanmasını sakinlərdən xahiş edir. 12 ailə bunadan çıxıb. Onların keçmiş mənzillərinin döşəmə və pəncərə çərçivələri, qapıları sındırılıb. Bu günlərdə 11 saylı mənzildən benzin qoxusu gəlib. Onları evlərini tərk etməyə məcbur etmək üçün yanğın təşkil edilməsindən ehtiyat edən sakinlər yanğınsöndürənləri çağırıblar. FHN baş verənləri protokollaşdırıb.

Ə.Hüseynzadə küçəsindəki 8 saylı evdə baş verənlər barədə Turan-a sakin Pənah Tağıyev məlumat verib. Onun qonşuları Kazım Seyidov, Yelena Nedostupova, Ceyhun Əsgərov, Lada Sexovskaya, Zöhrab Əliyev və digərləri Apellyasiya Məhkəməsinin qərarını gözləyirlər. Apellyasiya Məhkəməsi sakinlərin birinci instansiya məhkəmənin qərarından şikayətinə baxacaq. Belə ki, bu məhkəmə dağıntıların dayandırılması və yaşadıqları ev ilə bağlı məhkəmə qərarının ləğv edilməsi tələbilə "müvəqqəti xarakterli müdafiə tədbirləri" ilə bağlı sakinlərin iddiasını (hakim Aygün Abdullayev) təmin etməyib.

Rayon hakimiyyəti çoxmənzilli binanın taleyini həll edərkən orada yaşayan insanların rəyini soruşmayıb. Hakimiyyət "Azərdövləttikintilayihə" Dövlət Layihə İnstititunun qərarına əsaslanıb. Komissiya binaya baxış keçirdikdən sonra 2017-ci il sentyabrın 22-də binanın "qismən yararlı" olması barədə qərar çıxarıb. Sentyabrın 25-də isə Səbayel rayonunun icra başçısı Eldar Əzizov əvvəlki sənədə əsaslanaraq bu ərazinin tikinti üçün Sabah Residence-ə verilməsinə sərəncam verib. Ancaq sakinlər şikayət edirlər. Onlar hesab edirlər ki, binaya baxış GOST 31937-2011 və həmin institutun AzDTN 1.7-1 normalarının posulması ilə keçirilib. Eyni zamanda institut binanın sökülməli olması barədə qərar verməyə səlahiyyətli deyil. Sakinlər əmindir ki, Sabah Residence yeni yaşayış massivinin tikintisilə bağlı icazə sənədlərinin hamısına malik deyil. Bu şirkətin digər evlərlə bağlı əvvəlki münaqişələri də bu fikri möhkəmləndirir. "Dünən gecə Xanlar küçəsində, bizim Bayıl massivində bu şirkət 42 mənzili dağıdıb", - Pənah Tağıyev əlavə edib.

Vətəndaşlar Bayıl sürüşmə zonasında 18 mərtəbəli binanın tikintisi üçün Sabah Residence-ə necə icazə verildiyini və bu şübhəli layihə altında özəlləşdirilmiş mənzillərin sahiblərinin zorla köçürülməsini anlaya bilmirlər.

Birinci instansiya məhkəməyə iddia ərizəsində onlar Xanlar küçəsindəki 10 saylı binada Dmitri Luqanskiyə məxsus 6-cı mənzili dağıdan Sabah Residence şirkətinin fəaliyyətilə bağlı faktlar göstərirlər. 2018-ci il fevralın 2-də evi dağıdanları polis dəstələri mühafizə edərək Luqanskinin əmlakının dağıdılmasına mane olmayıblar. Bu hadisə "Xanlar küçəsi, 10-da mənzillərin dağıdılması" adı ilə Youtube-də yerləşdirilib.

(https://www.youtube.com/watch?v=dczAGILC-RcHYPERLINK "https://www.youtube.com/watch?v=dczAGILC-Rc&t=1304s"&HYPERLINK "https://www.youtube.com/watch?v=dczAGILC-Rc&t=1304s"t=1304s).

Sabah Residence-in sərəncamına verilən ərazidəki evin sakinləri ombudsmandan tutmuş prezidentə qədər müxtəlif instansiyalara 30 kollektiv məktub göndəriblər. Bunun qarşılığında müraciətlərə baxılması ilə bağlı imtina cavabı alırlar, ya da şikayətlərin yerli hakimiyyətə göndərilməsini tövsiyə edirlər.

Rayon İH təsərrüfat şöbəsinin müdiri Vüqar Məmmədov and içir ki, hər şey yaxşı olacq, bu, dövlət layihəsidir, vətəndaşlar yeni mənzillər alacaqlar. Ancaq öncə köhnələri təhvil verməlidirlər.

Məhkəmə sistemi hələlik dağıdıcı-inşaatçıların tərəfini tutur.

Dövlət mənzil hüququna qarant kimi ancaq Konstitusiyada çıxış edir, köçürülmə və yeni binanın inşasına dair müqavilə vətəndaş və ucaltdığı keyfiyyətli göydələnlər ilə deyil, özgə əmlakının dağıdılması ilə tanınan tikinti şirkəti arasında bağlanır.

İndi də bu adamlar Apellyasiya Məhkəməsində gün təyin olunacağını gözləyirlər və ümid edirlər ki, ölkənin hüquq sistemi tikinti şirkətinin hərəkəti qanuni qüvvə almayınca Səbayel rayonunun Ə.Hüseynzadə küçəsindəki (İkinci döngə, 8-ci bina) 8 saylı binada kommunal kommunikasiyanıın dağıdılmasını, sındırmağı, tikməyi, hasar çəkməyi Sabah Residence-ə qadağan edəcək. Sakinlərin iddialarında AR İnzibati-Prosessual Məcəlləsinin 40.1, 40.2, 40.3 bəndləri yada salınıb. Bu, münaqişə tərəfləri razılığa gələnə qədər binada yaşamağa ümid verir. Vətəndaşlar hesab edirlər ki, onların evləri ilə bağlı qəbul edilmiş əvvəlki məhkəmə və instansiya qərarları qanunsuzdur, belə ki, bu qərarlarda daşınmaz əmlak sahiblərnin qanuni maraqları nəzərə alınmır.

Sabah Residence tikinti şirkətinin hüquq şöbəsi Turan İA-nın suallarını cavablandırmaqdan imtina edir və bunu şirkətin qərarını şərh etmək səlahiyyətinə malik olmaması ilə izah edir.