“Tərtər işi” məhkəməsində zərəçəkənə qarşı cinayət işi qaldırıldığı bildirilir

Ötən ilin avqustunda “Tərtər işi”ilə bağlı hakim Zeynal Ağayevin sədrliyi ilə keçirilən məhkəmə prosesində Tərtər işində zərərçəkmiş Nemət Məhərrəmovla şahid qismində dindirilən Cəfər Seyidovun arasında baş vermiş mübahisəyə görə Məhərramova qarşı bu il martın 6-da cinayət işi açılıb.

“Tərtər içi”üzrə ittiham olunan hərbiçilərin məhkəmsində Cəfər Seyidov şahid qismində çıxış edib və bildirib ki, özü və rəhbərlik etdiyi hərbi qüvvələr işgəncələrdə iştirak etməyib. Onlar yalnız mühafizənin təşkili, yaralıların xəstəxanaya çatdırılması kimi işlərə kömək üçün ora gediblər.

Zərərçəkmiş Məhərrəmov isə deyib: “Mən 54 gün hər cür işgəncə görmüşəm,

4 gün mənim bədənimə elektrik veriblər, dəmiri qızdırıb bədənimə dag çəkiblər, dırnağımı çıxarıblar. Mənə bu qədər işgəncə verən biri məhkəmədə deyir ki, biz heç kimı işgəncə verməmişik. Buna görə mən əsəbimi cilovlaya bilmədim və mənə  işgəncə verənləri təhqir etdim”.

Daha sonra hakim Zeynal Ağayev polis çağıararq zərərçəkmiş Nemət Məhərrəmovu məhkəmə zalından çıxardıb.

“Mənə qarşı cinayət işi açılıb, amma hələ ki, hansı maddə ilə olduğu yazılmaylb. Məhkəmə işində səs və videoları sübut kimin saxlayıblar. Mənim döyüş yoldaşlarıma işgəncə verənləri tutmurlar, mən haqsızlığa dözməyib Cəfər Seyidovu təhqir etdiyim üçün mənə cimayət işi açırlar”, - deyə Məhrrəmov bildirib.

Bununla yanaşı, Ədliyyə Nazirliyi və istintaq orqanı hələ bu məlumata münasibət bildirməyib.

* 2017-ci ilin may-iyul aylarında Tərtərdə və digər rayonlarda yerləşən hərbi hissələrdə ən az 450 nəfər - hərbiçi və mülki şəxs saxlanılıb və qeyri-insani rəftara və işgəncələrə məruz qoyulub. İşgəncələr nəticəsində 10 nəfər hərbiçi həlak olub. Saxlanılan şəxslərin əksəriyyəti Azərbaycan CM-in 234.1 (qanunsuz narkotik dövriyyəsi), bəziləri 228.1-ci (qanunsuz silah dövriyyəsi) ittihamı ilə məsuliyyətə cəlb edilib və uzunmüddətli həbs cəzasına məhkum edilib.

30-a yaxın şəxs "dövlətə xəyanət" ittihamı ilə uzunmüddətli həbs cəzalarına məhkum edilib.

İşgəncə faktları ictimailəşdirildikdən sonra Baş Prokurorluq 2021-ci ildə istintaqı bərpa edib. Nəticədə, 2022-ci  ilin sonlarında "dövlətə xəyanətdə" ittiham olunan 20 nəfərə bəraət verilib. Eyni zamanda, dövlətə xəyanət ittihamı ilə deyil, CM-in digər maddələri ilə həbs edilən 16 nəfərə bəraət verilib. 13 nəfərə isə daha əvvəl, 2018-ci ildə Hərbi Prokurorluğun qərarı ilə bəraət verilmişdi.

Lakin "Tərtər işi"nin 10 fiqurantı hələ də həbsdədir və onların qohumları və hüquq müdafiəçiləri işə yenidən baxılmasına və həbs edilən şəxslərin azad edilməsinə nail olmağa çalışır.

Müstəqil ekspertlər hesab edirlər ki, hərbiçilərin və mülki şəxslərin "dövlətə xəyanət" və xüsusən "ermənilərə xidmət etmə" ittihamı ilə kütləvi həbsi bəzi yüksək vəzifəli generalları tərəfindən 2016-cı ildə Qarabağda aprel döyüşləri zamanı döyüş tapşırıqlarını yerinə yetirməmələrinə bəraət qazandırmaq üçün başlanıb.

"Tərtər işi"nin qurbanları hesab edirlər ki, hələ repressiyalara görə məsul olan bütün generallar məsuliyyətə cəlb edilməyib.