Фикрет Гусейнли
Ukrayna ictimaiyyəti Fikrət Hüseynlinin müdafiəsinə qalxıb
Bakı/14.03.18/Turan: Ukrayna ictimai təşkilatları jurnalist Fikrət Hüseynlinin Azərbaycana ekstradisiyasına qarşı çıxıblar.
Onlar Ukrayna Baş Prokurorluğuna müvafiq müraciət göndərərək jurnalistə qarşı yoxlamanın təcili başa çatdırılmasını və maneəsiz olaraq Niderlanda getməsinə şərait yaradılmasını xahiş ediblər.
Ukraynada jurnalistə ciddi təhlükə var. Belə ki, martın 5-də Kiyevdə naməlum şəxslər onu oğurlamaq istəyiblər, müraciətdə deyilir.
Müraciət müəllifləri xatırladırlar ki, AŞPA-nın qətnaməsində F.Hüseynlini Bakıda gözləyən təhlükə ilə bağlı narahatlıq ifadə olunur.
Onlar Prezident Administrasiyasını, Ukrayna XİN-i F.Hüseynlinin hüquq və azadlıqlarının təmin olunması üçün hər şeyi etməyə çağırırlar.
Müraciəti Kütləvi İnformasiya İnstitutu, İnsan Hüquqları Platforması, İnsan Hüquqları İnformasiya Mərkəzi, Media Detektoru, Demokratiya və Qanunun Aliliyi Mərkəzi, "İnternyus-Ukrayna" imzalayıblar.
F.Hüseynli 2017-ci il oktyabrın 14-də Kiyevdən Düsseldorfa uçarkən Azərbaycanın sorğusu əsasında İnterpol xəttilə saxlanılıb. Azərbaycanda o, dələduzluq və sərhəddi qanunsuz keçməkdə ittiham olunur.
Oktyabrın 18-də Ukraynanın Borispol Şəhər Məhkəməsi onun Azərbaycana ekstradisiyası məsələsinə baxmaq üçün 18 gün müddətinə həbs edib.
Oktyabrın 27-də Kiyevin Lukyanovski Məhkəməsi Ukrayna Ali Radasının deputatı Mikola Knyajitskinin və ictimai xadim Boris Zaxarovun zaminliyi ilə F.Hüseynlini azad edib. Eyni zamanda məhkəmə dövlət ittihamçısının F.Hüseynlinin Azərbaycana ekstradisiyası haqqında vəsatətini təmin etməyib.
Kiyev prokurorluğu F.Hüseynlinin azad edilməsindən apellyasiya şikayəti verib və onun həbs edilməsini tələb edib.
Protest üzrə məhkəmə yanvarın 17-də başlayıb, ancaq 4 dəfə təxirə salınıb. Nəhayət, fevralın 13-də məhkəmə ekstradisiyadan imtina edib.-06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz