London/14.03.18/Turan: Britaniya Solsberidə Rusiya kəşfiyyatının keçmiş zabiti Sergey Skripalın zəhərlənməsinə görə 23 rusiyalı diplomatı ölkədən çıxaracaq. Bu barədə ölkənin baş naziri Tereza Mey bildirib.
Bu qərar ona görə qəbul edilib ki, Moskva Rusiyada hazırlanmış zəhərli maddənin hansı yolla Britaniyaya gətirilməsilə bağlı bir sutka ərzində Londona açıqlama verilməsi barədə T.Meyin tələbinə cavab verməyib, BBC radiosu bildirib.
Çərşənbə günü səhər Rusiyanın XİN rəhbəri Sergey Lavrov bildirib ki, Moskva rəsmi aldıqdan sonra 19 gün ərzində Solsberidə zəhərlənmə işi ilə bağlı cavab verməyə hazırdır. O əlavə edib ki, konkret faktlar irəli sürülməsə London "dünya ictimaiyyətini kobud şəkildə çaşdırmağa açıq cəhdə görə cavab verməli olacaq".
Çərşənbə günü məlum olub ki, Solsberidə baş vermiş insidentlə əlaqədar Britaniya BMT Təhlükəsizlik Şurasının növbədənkənar iclasını çağırır. İclas Bakı vaxtı ilə saat 23:00-da başlayacaq. -02D-
Siyasət
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
Rəy yaz