![Azərbaycan-İran dövlət komissiyası iclası keçirilib](https://turan.az/resized/750/500/resize/media/2018/main/031400008501.jpg)
Azərbaycan-İran dövlət komissiyası iclası keçirilib
Bakı/14.03.18/Turan: Son 4 il ərzində Azərbaycanla İran arasında 150-yə yaxın sənəd imzalanıb. Bu haqda Azərbaycan-İran dövlət komissiyasının Tehranda keçirilmiş 12-ci iclasında məlumat verilib.
İqtisadiyyat Nazirliyinin məlumatında deyilir ki, nazir Şahin Mustafayev 2017-ci ildə iki ölkə arasında ticarət dövriyyəsinin 16 faiz artdığını, Azərbaycanda qeydiyyatdan keçmiş İran şirkətlərinin sayının 700-ü ötdüyünü bildirib. Nazirin sözlərinə görə, İranın Azərbaycana yatırdığı investisiyaların həcmi 3,1 mlrd. dollarına çatıb.
Ş.Mustafayev İranla birgə layihələrdən danışıb, neft-qaz sahəsində, nəqliyyat, elektrik enerjisi sahələrində uğurlu əməkdaşlığın olduğunu ifadə edib. Turizm sahəsinə toxunan nazir bildirib ki, İrandan Azərbaycana gələn turistlərin sayı 2016-cı ildə 247 min olduğu halda, ötən il 363 min nəfəri ötüb.
Əməkdaşlığın genişləndirilməsi perspektivlərinə gəlincə, Şahin Mustafayev kənd təsərrüfatı, sənaye, ticarət, nəqliyyat, turizm, səhiyyə, bankçılıq sahələrdə əməkdaşlıq üçün böyük imkanların olduğunu, İranla birgə avtobuslar, kənd təsərrüfatı texnikası istehsal edilə biləcəyini vurğulayıb.
İranın İqtisadi işlər və maliyyə naziri Məsud Kərbasian da əlaqələrdən mənunluq ifadə edib, ölkəsinin Azərbaycanla əlaqələrin genişlənməsinə xüsusi önəm verdiyini bildirib.
Dövlət komissiyasının iclası martın 14-də işini bitirib.-0-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz