Ukrayna Jurnalistlər İttifaqı Rauf Mirqədirovun azadlığa edilməsinə çağırır

Ukrayna Jurnalistlər İttifaqı və Həmkarlar İttifaqı müstəqil mediası bəyanatla çıxış edib: 

“Aprelin 20-də tanınmış jurnalist, “Zerkalo” qəzetinin siyasi icmalçısı Rauf Mirqədirov Azərbaycan hakimiyyəti tərəfindən saxlanılaraq həbs olunub. O, dövlətə xəyanətdə (Ermənistanın xeyrinə casusluqda) ittiham olunub.

Biz ittihamın bütün detallarını bilmirik, lakin məlumdur ki, R.Mirqədirov uzun illərdir ki, Qarabağ münaqişəsini hərtərəfli işıqlandırır, öz ölkəsinin ərazi bütövlüyünün tərəfdarıdır. O, heç zaman öz baxışlarını gizlətməyib. Onun jurnalist fəaliyyəti göz önündə olub.

R.Mirqədirov daxili siyasət və beynəlxalq mövzularda kəskin yazıları ilə tanınır. Bunların sırasında Ukrayna hadisələrinə dair yazılar da var. Onun azərbaycanlı oxucular üçün Ukrayna haqqında yazdığı məqalələr obyektiv, informativ və müstəqil informasiya mənbəyinə xidmət edib. O, siyasi vəziyyətdən yaxşı baş çıxarır, çox yazır, onu oxuyurlar, onun fikrini dinləyirlər.

Söz, mətbuat, ifadə azadlığı müasir demokratik dövlətin ayrılmaz hissəsidir.

Ukrayna jurnalistləri öz həmkarlarının həbsindən narahatdır. Ona qarşı irəli sürülən ittihamlara qərəzsiz baxılacağına ümid edirik və Rauf Mirqədirovun azadlığa buraxılmasına, onun jurnalist fəaliyyətini davam etdirmək imkanlarının verilməsinə çağırırıq”, - bəyanatda deyilir. 02D-