Bakı/15.10.19/Turan: Həbsdə olan jurnalist Əfqan Muxtarlı sentyabrın əvvəlində tibbi müayinədən keçsə də həkim rəyi indiyədək ona təqdim edilməyib. Bu barədə vəkil Nemət Kərimli bildirib.
Onun sözlərinə görə, Ə.Muxtarlı başgicəllənmədən şikayət edib. "Penitensiar Xidmətin müalicə müəssisəsinin həkimləri onu müayinə ediblər. Lakin nəticələr nə özünə, nə də mənə açıqlanmır. Bəlkə Əfqanın ciddi xəstəliyi var?", - həkim deyib və Ə.Muxtarlının yüksək qan təzyiqindən və şəkərli diabetdən əziyyət çəkdiyini xatırladıb.
Lakin Ədliyyə Nazirliyi Baş Tibb İdarəsinin rəis müavini İftixar Qurbanov Turan-a bildirib ki, Ə. Muxtarlı hər hansı ciddi xəstəlikdən əziyyət çəkmir. "Vəziyyəti stabildir və müayinənin nəticələri barədə Muxtarlıya məlumat verilib", - İ. Qurbanov bildirib.
*Araşdırmaşı-jurnalist Əfqan Muxtarlı 2017-ci ilin mayında Tbilisidə oğurlanaraq Azərbaycana gətirilib və həbs edilib. Məhkəmə onu qaçaqmalçılıq və sərhədçiyə qarşı zorakılıq ittihamı ilə 6 il azadlıqdan məhrum edib.
"Amnesty International" beynəlxalq təşkilatı Əfqan Muxtarlını "vicdan məhbusu" kimi tanıyıb.21B06-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz