Bakı/28.09.17/Turan: Azərbaycan Vəkillər Kollegiyasının sədri Azər Tağıyev səhhətilə əlaqədar vəzifəsindən istefa verib. Bunu Turan-a Vəkillər Kollegiyası sədrinin vəzifəsini icra edən Fərhad Nəcəfov bildirib.
Onun sözlərinə görə, 2016-cı ilin dekabrında, ya da 2018-ci ilin yanvarında keçiriləcək konfransda yeni sədr seçkisi olacaq.
Bu, oktyabr ayında Kollegiyaya yeni vəkillərin qəbulu üzrə imtahanın keçirilməsilə bağlıdır. Sədrin istefa verməsilə əlaqədar imtahan bir qədər gec keçirilə bilər. İmtahanda iştirak üçün 1019 nəfər ərizə verib.
69 yaşlı A.Tağıyev SSRİ dönəmindən qalan Vəkillər Kollegiyasına 1995-ci ildən rəhbərlik edib. Həmin vaxtdan MSK-nın üzvüdür. 2004-cü ildə vəkillik və vəkil fəaliyyəti haqqında qanunun qəbulu ilə əlaqədar Kollegiya yenidən formalaşıb və A.Tağıyev sədr postunu saxlayıb. 2012-ci il konfransında A.Tağıyev yenidən sədr postuna seçilib.
Kollegiya hakimiyyətdən asılı orqan reputasiyasına malikdir. Son illər müstəqil baxışları, fəal vətəndaş mövqeyi ilə seçilən, hüquq müdafiəçiləri tərəfindən siyasi məhbus kimi tanınan şəxsləri müdafiə edən bir sıra tanınmış vəkil Vəkillər Kollegiyasından xaric edilib.
Əsasən Aslan İsmayılov, Xalid Bağırov, Əlaif Həsənov, Elçin Namazovun vəkil fəaliyyəti dayandırılıb.
Digər vəkillərin də çıxarılmasına təşəbbüs göstərilib, ancaq sonradan onlar bərpa oluna biliblər.
Hazırda Vəkillər Kollegiyasında 900-ə yaxın vəkil daxildir.-05B06--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz