Vəkillər məhkəmədən NİDA fəallarına bəraət istəyiblər

Aprelin 24-də Bakı Ağır Cinayətlər Məhkəməsində NİDA Vətəndaş Hərəkatının həbsdə olan 8 fəalının məhkəmə prosesi davam edir. Prosesdən öncə məhkəmə binasına gedən yollar bağlanıb, mühafizəyə çoxsaylı polis cəlb edilib. Buna baxmayaraq, məhkəmənin binası qarşısına NİDA-çıların çoxsaylı tərəfdarları toplaşıb.

Məhkəmə prosesi gənc fəalların zala daxil olması ilə başlayıb. Fəalların valideynləri, yaxınları əl çalmağa başlayıblar. Valideynlər gənclərdən aclığın dayandırılmasını istəyiblər. Təqsirləndirilən Məhəmməd Əzizov “biz aclığı dayandırsaq, 1 il həbsimiz heçə gedər”, deyə bildirib.

Vəkil Fəxrəddin Hacıyev müdafiə nitqində bildirib ki, ibitdai istintaq qərəzli və qeyri-obyektiv aparılıb. “İttihamların dəyərinn çəkisi sıfıra bərabərdir”, deyə o bildirib.

O, həmçinin bildirib ki, Məhəmməd Əzizov, Şahin Novruzlu və Bəxtiyar Quliyevin ibtidai istintaq zamanı verdiyi ilkin ifadələri sübut kimi qəbul edilə bilməz. Çünki bu ifadələr psixoloji və fiziki təzyiq altında alınıb.

“Cinayət olması üçün ictimai təhlükəli əməl olmalıdır, zərərçəkən olmalıdır. Cinayət yoxdursa, cəza varsa, bu, dəhşətdir. Özü də 8 nəfərə 64 il”, deyə vəkil bildirib.

Адвокат Эльтон Гулиев выразил солидарность с коллегами, сказав, что в  деле нет события преступления, состава преступления, потерпевших.

“NİDA zorakılığa “yox” deyir və bu hərəkatda hüququn aliliyi və demokratiya əsas rol oynayır”, deyən vəkil məhkəməni bəraət qərarı çıxarmağa çağırıb.

Digər vəkil Cavad Cavadlı gənclərin “məhkəmədən mərhəmət yox, ədalət istədiyini” deyib. O, MTN-in qanunsuz olaraq gənclərin facebook yazışmalarına müdaxilə etdiyinə diqqət çəkib. MTN parol olmadan facebooka girə bilməzdi. “Bu o deməkdir ki, MTN qanunsuz olaraq bu gənclərdən parolları götürüb.Bu isə şəxsi toxunulmazlıq hüququnun pozulmasıdır”, deyə o bildirib.

Vəkil Elton Quliyev də həmkarlarının dedikləri ilə razı olduğunu qeyd edib. O, bu işdə cinayət hadisəsi, zərərçəkən olmadığını hesab edir.

O, ibtidati istintaq zamanı edilən pozuntuların məhkəmə istintaqı zamanı təkrarlanmasından təəssüfünü bildirib. Belə ki, müdafiə tərəfi gənclər həbs olunana qədər aparılan əməliyyat tədbirləri haqqında məlumatlandırılmayıb, Novruzlunun bədənində xəsarətlərlə bağlı məhkəmə tibbi ekspertiza rəyi düzgün verilməyib.

Bundan başqa, MTN təqsirsizlik prezumpsiyasını pozaraq, gənclərin saxlanmasından iki gün sonra onları cinayət törətmiş şəxslər kimi təqdim edən məlumat yayıb.

“Bu bəyanat ictimaiyyətdə gənclərin narkoman olması haqqında fikir yaradıb”, deyə vəkil bildirib.

“Molotov Kokteyli” ilə bağlı ittihama gəlincə, Quliyevdən götürülən butulkalarda barıtlı şprislər sonradan onlara birləşdirilib.

Narkotik isə Bəxtiyar Quliyevin şkafına birinci və ikinci axtarışların arasında qoyulub.

“Mən əminəm ki, burada 8 nəfərdən 7 nəfəri heç nədən tuttulub. İlkin niyə tutulub, onu heç başa düşmürəm”, deyən vəkil bütün təqsirləndirilənlərə bəraət istəyib.

Vəkillər Fariz Namazlı və Namiq Hacıyev məhkəmədən bəraət hökmü çıxarılmasını istəyiblər.

Məhkəmə aprelin 25-də davam etidiriləcək.

Qeyd edək ki, prokuror gənclərə 6,5 – 8,5 il həbs cəzası istəyib.

Gənclər 2013-cü ilin mart-may aylarında əsgər ölümlərinə etiraz olaraq martın 10-da keçirilən aksiya zamanı kütləvi iğtişaşların təşkili ittihamı ilə həbs ediliblər.

“Amnesty İnternational” beynəlxalq insan hüquqları təşkilatı onları vicdan məhbusu elan edib. -16D-