Gürcüstan patriarxı Azərbaycana kompliment edib, iki monastırı tələb etdi

Bakı/13.02.21/Turan: Fevralın 11-də Gürcüstan Patriarxiyasında Gürcüstan Pravoslav Kilsəsinin Müqəddəs Sinodunun növbəti iclası keçirilib. İclasa sədrlik edən bütün Gürcüstanın Katolikos-Patriarxı II İliya Azərbaycan dost və tərəfdaş ölkə adlandıraraq, Tbilisidən Keşikçi Dağındakı, Azərbaycanın Ağstafa rayonundakı iki kilsənin Gürcüstan ərazisinə qaytarılmasını tələb edib.

Katolikos II İliya Müqəddəs Sinod üzvlərinə üz tutaraq, müzakirə olunan məsələlərin aktuallığından danışıb və ilk növbədə David Qareci kompleksinin Çiçxituri və Udabno monastırları məsələsini qaldırıb, xəbəri Gürcüstan mətbuatı yayıb.

Müqəddəs Sinod Çiçxituri və Udabno monastırlarının gürcü xalqının tarixi, dini və mədəni həyatının bir hissəsi olduğuna qərar verib. Bu günə qədər dövlət sərhədini müəyyən edən əsas hüquqi sənəd hər iki ölkə tərəfindən qəbul edilmiş və Gürcüstan və Azərbaycan prezidentləri tərəfindən yaradılmış dövlət komissiyalarının səlahiyyətli şəxsləri tərəfindən imzalanmış 13 iyun 1996-cı il tarixli protokoldur. Sənəddə dəqiq şəkildə müəyyən edilib ki, dövlətlər arasında sərhəd 1938-ci ildə olan vəziyyətə əsasən çəkilməlidir. Sərhəddəki vəziyyəti müəyyən edən üstün və legitim kartoqrafiya materialı 1937-1938-ci illərdə çap edilmiş 1:200 000 miqyasındakı topoqrafik xəritədir. Gürcüstanın müvafiq elmi səlahiyyətlərə və səriştələrə malik bütün peşəkar kartoqrafları bunu təsdiq edir, deyə qərarda bildirilir.

“Biz Gürcüstan hakimiyyətini ədalət prinsipinə əsaslanaraq, Çiçxituri monastırı ilə bağlı 2007-ci ildəki və Udabno monastırı ilə bağlı 2019-cu ilə qədər mövcud olan status-kvonu bərpa etmək üçün dost və tərəfdaşımız olan Azərbaycan Respublikası ilə danışıqlar aparmağa çağırırq”, Gürcüstan ruhanilərinin tələbi belədir.

Tbilisi icmalçısı Tengiz Abtoliya Turan-a müsahibəsində Azərbaycan və Gürcüstan arasında monastırlarla bağlı gərginliyi Gürcüstan ruhaniləri yaradır, onlar keçmiş baş nazir İvanişvilinin siyasətini təkrar edir, bununla da xalqı sabiq prezident Saakaşviliyə qarşı təhrik edir.

 Azərbaycanda hesab edirlər ki, iki ölkə arasındakı dövlət sərhədi Sovet İttifaqının tərkibindəki Azərbaycan və Gürcüstan SSR arasındakı inzibati sərhədlə üst-üstə düşür.

Azərbaycan alimləri Keşikçi Dağındakı mağara monastır kompleksinin Qafqaz Albaniyası çarlığına məxsus olduğunu sübut edirlər. Bu, eramızdan əvvəl II əsrin sonları – I əsrin əvvəllərində şərqi Zaqafqaziyada yaranmış, müasir Azərbaycanın, Gürcüstan və Dağıstanın ərazilərinin bir hissəsini əhatə edən qədim dövlətdir. -0-