Məhkəmə Telman İsmayılovun sifarişi ilə törədilən qətlin icraçısının barəsində hökm çıxarıb
Moskva/12.03.18/Turan: Moskva vilayəti Krasnoqorsk Şəhər Məhkəməsi ciddi rejimli koloniyada saxlanılan Mehman Kərimovu - sahibkarlar Vladimir Savkin və Yuri Brilevin qətlinin icraçısını 13 il azadlıqdan məhrum edib. Çerkizov bazarının keçmiş sahibi Telman İsmayılov bu qətlin təşkilində ittiham olunur. Bu barədə martın 12-də TASS-a məhkəmənin mətbuat xidmətindən məlumat verilib.
T. İsmayılov ikiqat qətlin təşkilində ittiham olunaraq qiyabi həbs edilib. Onun qardaşı Rafiq İsmayılov da həbsdədir. Ona qarşı istintaq işi tamamlanıb. Biznesmenə qarşı RF CM-in 105-ci maddəsinin 2-ci bəndi (iki və ya daha çox şəxsin öldürülməsi) və 222-ci maddə (qanunsuz silah dövriyyəsi) ilə ittiham irəli sürülüb. Telman və Rafiq İsmayılovların digər qardaşı Vaqif (DİN Mərkəzi Aparatının istefada olan əməliyyatçısı) istintaqdan yayınaraq xaricdə gizlənir.
M.Kərimovun işi ayrıca icraata götürülüb və xüsusi qaydada baxılıb. Çünki o, öz günahını etiraf edib, məhkəməyəqədər saziş imzalayıb və cinayət iştirakçıları ilə bağlı ifadə verib. O, iki şəxsin qətlində və qanunsuz silah saxlamaqda ittiham olunub.
İstintaqın versiyasına görə, T.İsmayılov öz qardaşları ilə birlikdə "Stroy-market" Ticarət Mərkəzinin və "Lyublino-Motors" şirkətinin sahibləri V. Savkin və Y. Brilevin qətlini sifariş edib.
Qətlin icraçısı Mehman Kərimovdur. 2016-cı il mayın 15-də Novorijsk şossesində sahibkarlar güllələnib. R.İsmayılov M.Kərimovu hadisə yerindən qaçırıb.
Hər iki şübhəli saxlanılıb. M.Kərimov cinayəti törətdiyini etiraf edib. Ancaq bildirib ki, T.İsmayılovun heç nədən xəbəri olmayıb, sadəcə, onu gətirib. Killer qətlin motivi kimi V.Savkinin 452 min dollar məblığində krediti qaytarmadığını göstərib.
Əməliyyatçılar belə nəticəyə gəliblər ki, qətl Ticarət-Əyləncə Mərkəzində onlara məxsus payın satışından sonra V.Savkin və T.İsmayılov arasında yaranmış münaqişə səbəbindən törədilib. Keçmiş işgüzar tərəfdaşına bir neçə milyon dolları qaytarmaq istəməyən T.İsmayılov qətlə görə öz qohumlarına 2 mln. dollar ayırıb. R.İsmayılov V.Savkinin tanışlarının arasından killer tapıb və cinayətə nəzarət edib. V.İsmayılov onlarla məsləhətləşmə aparıb və qardaşını tutulana qədər öz mənzilində saxlayıb.
T.İsmayılovun vəkili bundan öncə bildirib ki, o, xaricə gedib və qətlin təşkilinə görə ittihamları rədd edir.
T.İsmayılov Moskvada Çerkizov bazarının sahibi olub. Onun AST şirkəti "Voentorq"un binasının, "Praqa" restoranının sahibi olub. Bir il öncə məhkəmə T.İsmayılovu müflis olunmuş kimi tanıyıb. -02D-
-
- Cəmiyyət
- 12 Mart 2018 16:07
Dünyada
-
Reuters: Bu ilin COP29 BMT iqlim danışıqlarına üç aydan az qalmış, ölkələr sammitin ən böyük vəzifəsi olan inkişaf etməkdə olan ölkələrin iqlim dəyişikliyinə uyğunlaşmasına kömək etmək üçün yeni maliyyələşdirmə hədəfi üzərində razılığa gəlməkdən uzaqdır.
-
Sir Keir Starmerin Ukraynaya dəstək məsələsində effektiv qlobal liderlik göstərmək səyləri, Downing Street-in Kiyevə Rusiya ərazisində dərin hücumlar başlatmaq üçün həlledici imkanlar təmin edə bilməməsi ilə müəyyən qədər zəiflədilir.
-
Ukrayna Prezidenti Volodimir Zelenski cümə günü ölkənin hava qüvvələri komandanını vəzifədən azad etdi, bu hadisə, Ukraynanın Qərb tərəfdaşlarından aldığı F-16 təyyarəsinin Rusiya bombardmanı zamanı qəzaya uğraması və pilotun həyatını itirməsindən dörd gün sonra baş verdi.
-
Kamala Harris, prezidentliyə Demokratların namizədi kimi ilk rəsmi müsahibəsində ABŞ-ın cənub sərhədində miqrasiyaya daha sərt yanaşma tətbiq edəcəyini və İsrailə silah göndərilməsini davam etdirməyi dəstəklədiyini bəyan etdi.
Rəy yaz