Şarl Mişel Avropa İttifaqı Şurasının rəhbəri postunu tərk etmək fikrini dəyişib

DW:  Avropa Şurasının prezidenti Şarl Mişel 2024-cü ilin iyununda Avropa Parlamentinə keçiriləcək seçkilərdə namizədliyini geri götürüb. Siyasətçi qərarını cümə günü, yanvarın 26-da Facebook səhifəsində elan edib.

"Mənim seçimim medianın böyük diqqətinə və spekulyasiyasına səbəb oldu. Yanaşmamın görünməmiş xarakterini nəzərə alsaq, bir şeyi qabaqcadan görmüşdüm. Amma bu həm də Avropa Şurası daxilində deyil, ondan kənarda da güclü reaksiyaya səbəb oldu", - Mişel Belçikadan Avropa Parlamentinə namizəd olmaq barədə əvvəlki qərarını şərh edərkən yazıb.

Onun sözlərinə görə, Avropa İttifaqı Şurasının prezidenti kimi qalmaq qərarı məhz onun vaxtından əvvəl istefa vermə ehtimalının doğurduğu kəskin reaksiya ilə bağlı olub və onun gedişindən Avropa Şurasını parçalamaq üçün istifadə olunmasına imkan vermək istəmir, - Mişel qeyd edib.

Şarl Mişel 2019-cu ildə Avropa Şurasının sədri postunda polşalı siyasətçi Donald Tusku əvəzləyib. Avropa Şurasının prezidenti postunun özü də təxminən 15 il əvvəl Lissabon müqaviləsinə uyğun olaraq yaradılıb. Mişelin Avropa Şurasının prezidenti kimi səlahiyyət müddəti 2024-cü ilin noyabrında başa çatır.

Aİ-nin artıq Mişel üçün təcili əvəz axtarmaq ehtiyacı yoxdur

Yanvarın 7-də Belçika qəzetlərinə müsahibə verən Şarl Mişel yayda keçiriləcək Avropa seçkilərində Belçika liberallarını təmsil edərək iştirak etmək niyyətində olduğunu bildirib. Mişel seçilərsə, o, Avropa Şurasının rəhbəri postu ilə Avropa parlamentarisi postunu birləşdirə bilməyəcək. Belə bir münaqişənin qarşısını almaq üçün Aİ-yə üzv ölkələrin liderləri Mişelin yerinə varis namizədliyi barədə əvvəlcədən razılığa gəlməli idilər.

Bu, Macarıstanın Baş naziri Viktor Orbanın müvəqqəti olaraq Aİ Şurasına sədrlik etməsinə imkan yaradacaq. Çünki bu ölkə 2024-cü ilin iyulundan dekabr ayına kimi Aİ Şurasına sədrlik etməlidir. Orban tez-tez Aİ-nin ümumi siyasətlərinə qarşı çıxır. Belə ki, dekabr ayında Macarıstan bu qərara veto qoyaraq, 2027-ci ilə qədər Ukraynaya 50 milyard avro həcmində makromaliyyə yardımının ayrılmasına mane ola bilib.