![2016-cı ilin I yarısında Azərbaycanın xarici borcu ÜDM-in 20%-i qədər olub](https://turan.az/resized/750/500/resize/media/2016/main/093000170294.jpg)
2016-cı ilin I yarısında Azərbaycanın xarici borcu ÜDM-in 20%-i qədər olub
2016-cı ilin I yarısında Azərbaycanın xarici borcu 7,6 mlrd dollar olub, deyə Maliyyə Nazirliyinin büdcə sənədlərində bildirilir.
Turan-ın məlumatına görə, Azərbaycanın xarici borcu ÜDM-in 20%-i qədər olub. Bir nəfərə düşən xarici dövlət borcu isə 782,6 ABŞ dolları olub. Ölkəyə cəlb edilmiş kreditlərin 39,2 faizini sabit dərəcə ilə olan kreditlər, 60,8 faizini isə dəyişkən dərəcə ilə olan kreditlər təşkil edib.
İmzalanmış müqavilələrə uyğun olaraq, xarici dövlət borcunun 53,2 faizi 10 ilə qədər olan müddətdə, 41,2 faizi 10 ildən 20 ilə qədər olan müddətdə, 5,6 faizi isə 20 ildən yuxarı olan müddətdə kreditorlara qaytarılmalıdır.
2017-ci il dövlət büdcəsində dövlət borclarına xidmətlə bağlı xərclər üçün 1768,8 mln manat vəsait nəzərdə tutulub. Bu, 2016-cı illə müqayisədə 6,3 mln manat və ya 0,4 faiz azdır.
Xarici dövlət borcunun ümumi daxili məhsulda olan nisbətinin artması ilk növbədə ümumi daxili məhsulun ABŞ dolları ifadəsində mütənasib şəkildə azalması, xarici borcun isə xarici valyutada ifadə olunmaqla sabit qalması ilə izah olunur.
Bundan başqa, bir sıra iri dövlət şirkətlərinin xaricdən götürdükləri borclara xidmət etmək iqtidarında olmamaları, habelə dövlətə məxsus Beynəlxalq Bankın sağlamlaşdırılması tədbirlərinin davam etdirilməsi dövlət büdcəsi üzrə əlavə borc yükünün və öhtəliklərinin yaranmasını istisna etmir.
Sənəddə bildirilir ki, iri transmilli layihələrin həyata keçirilməsinin maliyyələşdirilməsində Azərbaycanın iştirakı ölkənin xarici borclanmaya getməsini labüd edir.
Maliyyə Nazirliyi qeyd edir ki, 2017-ci ildə xarici dövlət borclanmasının yuxarı həddi 500 mln manat, il ərzində veriləcək dövlət zəmanətlərinin məbləğinin yuxarı həddi 10 mlrd manat məbləğində proqnozlaşdırılıb. 71D
-
- Siyasət
- 30 Sentyabr 2016 15:34
-
- İqtisadiyyat
- 30 Sentyabr 2016 16:12
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz