![Açiq mənbələrdən foto.](https://turan.az/resized/media/2023/main/101700068164-750-500-resize.webp)
Açiq mənbələrdən foto.
Azərbaycan Fransanın qida istehsalçılarına sanksiyalarla bağlı xəbərdarlıq edib
Bakı/17.10.23/Turan: Noyabrın 1-dən ixrac icazəsi üçün müraciət etməyən Fransa müəssisələrindən yüksək riskli qida məhsullarının Azərbaycana idxalına məhdudiyyətlər tətbiq olunacaq. Bu barədə Azərbaycan Qida Təhlükəsizliyi Agentliyi (AQTA) bu gün xəbərdarlıq edib.
Qurumun bəyanatında qeyd olunur ki, yüksək riskli qida məhsulları ixrac edən onlarla Fransa müəssisəsi dəfələrlə edilən xəbərdarlıqlara baxmayaraq, Azərbaycanda qida təhlükəsizliyinə cavabdeh olan struktura təsdiq üçün ərizə təqdim etməyib.
“Qida təhlükəsizliyi haqqında” Azərbaycan Respublikası Qanununun 20.3-cü və 24.5-ci maddələrinə əsasən, yüksək risk qrupuna aid edilən heyvan mənşəli məhsulların Azərbaycan Respublikasının gömrük ərazisinə idxal olunması üçün həmin məhsulların istehsalı və emalı ilə məşğul olan qida obyektləri cavabdeh qida subyektlərinin müraciəti əsasında Agentlik tərəfindən təsdiq edilməlidir. Müvafiq qanunun icrasını təmin etmək məqsədilə bir sıra dövlətlərdən, o cümlədən də Fransa Respublikasından ölkəmizə bu cür qida məhsullarının idxalı ilə məşğul olan şirkətlərin nümayəndələri ilə görüşlər keçirilib, onlara yüksək riskli qida və yem məhsullarının idxalı sahəsində həyata keçirilən tədbirlər barədə ətraflı məlumat verilib. Lakin Fransadan onlarla müəssisədən respublikamıza məhsul idxal olunmasına, eləcə də dəfələrlə xəbərdarlıq edilməsinə baxmayaraq, Agentliyə bu ölkənin istehsalçılarından təsdiqlə bağlı müraciətlər daxil olmayıb", - deyə AQTA qeyd edir.
Azərbaycan Dövlət Gömrük Komitəsinin məlumatına görə, bu ilin 8 ayı ərzində Fransadan ümumilikdə 2 milyon ABŞ dolları dəyərində heyvan mənşəli mallar idxal edilib. 08B
-
- Cəmiyyət
- 17 Oktyabr 2023 13:38
İqtisadiyyat
-
Bakıda, Dünya Bankı Qrupunun "Favorable Business Environment" layihəsinin bir hissəsi olaraq, internet xidmətlərinin təkmilləşdirilməsi üzrə 2024 Yol Xəritəsinin təqdimatı keçirildi, rəsmilər cümə axşamı bildirdi.
-
Bu gün Bakıda BƏƏ-nin Azərbaycan investisiyalı “Green Capital Management” şirkəti ilə Qətərin “Al Baladi Holdings” şirkəti arasında strateji tərəfdaşlıq sazişi imzalanıb.
-
Azərbaycan və Serbiya bu gün Bakıda ticarət və iqtisadi əməkdaşlıq üzrə hökumətlərarası komissiyanın 8-ci iclasını keçirdi. İclasda Azərbaycan Əmək və Əhalinin Sosial Müdafiəsi Naziri Sahil Babayev və Serbiya Mədəniyyət Naziri Nikola Selakoviç həmsədr oldular.
-
Azərbaycan Respublikası Dövlət Neft Şirkətinin (SOCAR) prezidenti Rövsən Nəcəf Qazaxıstan Milli Neft Şirkəti KazMunayGas-ın İdarə Heyətinin sədri Asxat Xasenovla görüşüb və Qazax xam neftinin Azərbaycan ərazisindən keçməklə tranzit həcminin artırılması və əməkdaşlığın genişləndirilməsi məsələlərini müzakirə edib.
Rəy yaz