İctimai fəallar Buzovna çimərliyinə keçmək üçün pilləkən tikirlər. Oktyabr, 2023-ci il
Buzovna qəsəbəsində ictimai torpaqları zəbt edənlər qanunsuz niyətlərindən əl çəkməyiblər
Bakı/17.10.23/Turan: Dənizkənarı Buzovna qəsəbəsində yerli hakimiyyət ötən il dəniz sahilindəki qanunsuz hasarları sökdükdən sonra sahil zonasında yenidən tikinti işləri başlayıb. Bu barədə Turan-a yerli sakin Elbəy Əlizadə bildirib.
O, Agentliyə məktubuna zəbt olunmuş ərazini hasarlayan torpağa basdırılmış ağac və dirəkləri əks etdirən videogörüntüləri əlavə edib. Dörd sotluq ərazi ictimaiyyət üçün bağlanıb, həm də "sahibi" bu ərazidə yığılan zibili, 2 min kubmetr həcmi olan beton blokları dəniz sahilinə daşıyıb. Ədalət adlı vətəndaş ümumxalq iməclik günündə tikilmiş dənizə gedən daş pilləkənləri söküb. Beləliklə, qanunsuz hərəkətlərlə altı sota yaxın sahilyanı ərazisi buzovnalıların əlindən alınıb.
Əlizadənin sözlərinə görə, Ədalət adlı şəxs keçən il qəsəbə ictimaiyyətinin təzyiqi ilə öz qanunsuz tikililərini sökmək məcburiyyətində qalmışdı. Bu ilin oktyabrında o, əvvəlki qanunsuz tikililəri bərpa etməyə başlayıb.
Buzovnalılar Xəzər Rayon İH-dən sahildə qanunsuz tikintiləri dayandırmağı tələb edirlər. Xəzər rayon İH-nin nümayəndəsi Turan-ın müxbiri ilə söhbətində bildirib ki, Buzovna qəsəbəsində yerli məsələlərlə qəsəbə bələdiyyəsi məşğul olur. Buzovna qəsəbəsinin bələdiyyə sədri Turan-ın telefon zənglərinə cavab vermir. --0--
Problemə dair əvvəlki məqalələr və süjetlər:
Buzovna sakinləri prezidentə videomüraciət ünvanlayıblar
Prezident İlham Əliyev Abşeron sahillərinin zəbt edilməsinə son qoyulacağını vəd edir
Xəzərin Buzovna sahilində hasarların söküntüsü başlayıb
Buzovnalılar yenidən prezident İlham Əliyevə müraciət ediblər
Buzovna sakinləri qanunsuz dəniz hasarlarının sökülməsinə başlandığını bildirirlər
Buzovna sakinləri dəniz sahilindəki qanunsuz hasarın götürülməsinə nail olublar
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz