![Azərbaycanda minimum əmək haqqı - 68 dollar](https://turan.az/resized/media/2016/main/071400162003-750-500-resize.webp)
Azərbaycanda minimum əmək haqqı - 68 dollar
Keçmiş SSRİ ölkələrində məbləğin artırılması tendensiyası müşahidə olunur
Azərbaycanda minimum əmək haqqının məbləği sonuncu dəfə 3 il əvvəl - 2013-cü ilin sentyabrında qaldırılıb. O zaman minimum əmək haqqının məbləği 105 manata yüksəlib.
Keçmiş SSRİ ölkələrindəki minimum əmək haqlarının məbləğinin artırılması tendensiyasını araşdıran iqtisadçı ekspert Samir Əliyev deyir ki, o zaman Azərbaycanda minimum əmək haqqı 134 dollara bərabər olub.
“Son devalvasiyadan sonra Azərbaycanda minimum əmək haqqı indiki məzənnə ilə 68 dollara düşüb”, deyən ekpert keçmiş SSRİ ölkələrində tamam fərqli tendensiyanın müşahidə olunduğunu bildirir.
Onun deməsinə görə, 2016-cı ildə keçmiş SSRİ ölkələrinin əksəriyyətində minimum əmək haqqı artırılıb.
Rusiyada minimum əmək haqqı iyul ayının 1-dən etibarən 117 dollara qaldırılıb. Ondan əvvəl isə Ukraynada may ayının 1-dən minimum əmək haqqının aylıq məbləği 58,4 dollara yüksəldilib.
“Ukraynada 2016-cı il dekabrın 1-dən yeni artım olacaq və aylıq minimum əmək haqqı 62,4 dollar, saatlıq isə 0,37 dollar olacaq”.
Belorus hökuməti də minimum əmək haqqını qaldırıb. İşəgötürənlərin üzərinə iyun ayının 1-dən sonra işçiyə ayda ən azı 119 dollar ödəmək öhdəliyi qoyub.
Moldovada artım mayda olub. Mayın 1-dən etibarən minimum əmək haqqının aylıq səviyyəsi 106 dollara qaldırılıb.
Ekspert deyir ki, Ermənistanda hazırda minimum əmək haqqı təxminən 115 dollardır. Hökumətin iyulun 1-dən minimum əmək haqqını 136 dollara (65 min drama) qaldırmaq planı büdcə vəsaitlərinin qıtlığı səbəbindən baş tutmayıb.
Qonşu Gürcüstanda isə minimum əmək haqqı təxminən 70 dollara bərabərdir.
Orta Asiya ölkələrinə gəlincə, S.Əliyev bildirir ki, bu ölkələrdə minimum əmək haqqı ilin əvvəlində artırılıb. Yanvarın 1-dən minimum əmək haqqı Qazaxıstanda 68 dollara, Türkmənistanda isə 168 dollara qaldırılıb.
-
- İqtisadiyyat
- 14 İyul 2016 19:37
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz