Azərbaycanın ÜDM-i azalmaqda davam edir

Dövlət Statistika Komitəsindən turana bildiriblər ki, 2015-ci ilin yanvar-mart aylarında Azərbaycanda 11 mlrd 525 mln manatlıq ümumdaxili məhsul istehsal edilib. Cari qiymətlərlə 2014-cü ilin eyni dövrü ilə müqayisədə ÜDM 1,8 mlrd manat yaxud 13,6% azalıb.

DSK-nin hesablamasına görə, ÜDM-in hesablaması metodologiyasına əsasən, istehsal və xidmət sahələrində artırılan qiymət 2014-cü ilin yanvar-mart ayları ilə müqayisədə onların natura ifadəsində artım hesabına 5,3% yüksəlib.

ÜDM strukturunda neft sektoru təxminən iki dəfə azaldı: əgər ötən ilin ilk rübündə neft-qaz sektorunda 6 mlrd 79 mln manatlıq əlavə dəyər istehsal edilibsə, bu ilin eyni dövründə istehsal 3 mlrd 652,2 mln manat təşkil edib. Bununla belə, DSK-nin hesablamasına görə, neft-qaz sektoruna dair ÜDM-in artımı 3,4% təşkil edib.

Neft hasilatından gəlirlərin azalması hesabına qeyri-neft sektorunun ÜDM-in srturkturunda xüsusi çəkisi 54,3%-dən 68,3%-ə (7 mlrd 872 mln manat) artıb.

Hökumət isə bu faktı ictimaiyyətə qeyr-neft sektorunun özünün artımı kimi, yəni öz səylərinin nəticəsi kimi təqdim edir.

Qeyd etmək lazımdır ki, ÜDM istehsalının azalması onun adambaşına düşən istehsalının göstəricilərində də özünü göstərir. Ona görə Dövlət Statistika Komitəsi bu ildən məlumatları açıqlamır. 2014-cü ilin yanvar-mart aylarında Azərbaycanda adambaşına düşən ÜDM 1400 manatdan çox, yaxud $1789 təşkil edirdi. Turanın öz hesablamalarına görə, bu il bu göstərici 1200 manatı yaxud $1150 keçməyib.

Qeyd edək ki, dövlət başçısı hökumətin bu ilin ilk rübünün nəticələrinə və qarşıdakı dövrünün vəzifələrinə həsr edilən iclasında ölkədəki maktoiqtisadi situasiyadan məmnunluğunu ifadə edib. --08D--