BMT Rezident Əlaqələndiricisinin Azərbaycan Ofisi prezidentin fərmanını müsbət qiymətləndirib

BMT Rezident Əlaqələndiricisinin Azərbaycan Ofisi prezidentin «Dayanıqlı İnkişaf üzrə Milli Əlaqələndirmə Şurasının yaradılması haqqında”  fərmanını yüksək qiymətləndirir», deyə ofis məlumat yayıb.

Turan-ın məlumatına görə, 6 oktyabrda prezident İlham Əliyev bu fərmanı “2030-cu ilədək dayanıqlı inkişaf sahəsində Gündəlik”dən irəli gələn öhdəliklərlə bağlı dövlət orqanlarının üzərinə düşən vəzifələrin icrasının əlaqələndirilməsi məqsədilə  imzalayıb. Şuraya baş nazirin müavini Əli Əhmədov rəhbərlik edəcək.

Fərmanın preambulasında deyilir ki, dayanıqlı inkişaf məqsədlərinin icrasının institusional və siyasi baxımdan kompleks yanaşma tələb etdiyini nəzərə alaraq, Azərbaycanda daha dayanıqlı, əhatəli və şaxələndirilmiş iqtisadiyyatın inkişaf etdirilməsi, sosial sahələrin tarazlı inkişafının təmin edilməsi üçün səmərəli milli icra mexanizminin formalaşdırılması xüsusi əhəmiyyət kəsb edir.   

BMT Rezident Əlaqələndiricisinin Azərbaycan Ofisi prezidenti bəyan edib ki, Azərbaycandakı BMT Sistemi Dayanıqlı İnkişaf Məqsədlərinə nail olmaq istiqamətində Şuranı dəstəkləməyə hazırdır və vətəndaş cəmiyyəti, eləcə də Azərbaycan cəmiyyətindəki digər seqmentləri bir araya gətirəcək inklyuziv prosesin baş tutacağına ümid edir.

«Azərbaycan,BMT-nin digər 193 üzvükimi, 2015-ci ilinsentyabrında BMT Sammitində 2030 Gündəliyinii mzalamışdır. Bununla, ölkə bu kollektiv təşəbbüsə qoşularaq, heç bir kəsin bu prosesdən kənarda qalmamasına sözverməklə, dünyanıdayanıqlı və güclü edəcək təxirəsalınmaz, cəsarətli və transformativ tədbirlərin həyata keçirilməsi öhdəliyini öz üzərinə götürmüşdür», deyə bəyanatda bildirilir. 71D