![BP-Azerbaijan şirkətinə yeni rəhbər təyin edildi](https://turan.az/resized/media/2012/main/110200016820-750-500-resize.webp)
BP-Azerbaijan şirkətinə yeni rəhbər təyin edildi
BP bu gün Rəşid Cavanşirin Londonda BP-nin Strategiya və İnteqrasiya bölümü üzrə baş vitse-prezidenti təyin olunduğunu elan edib. O 2009-cu ilin sentyabr ayından BP-nin Azərbaycan, Gürcüstan və Türkiyə (AGT) regionundakı biznesinə rəhbərlik edirdi.
BP-Azerbaijan şirkətinin açıqlamasında bildirilir ki, R.Cavanşiri BP-nin Azərbaycan, Gürcüstan və Türkiyə üzrə regional prezidenti kimi Qordon Birrell əvəz edəcək. Birrell öz yeni vəzifəsinin icrasına bu il noyabr ayının 15-dən başlayacaq.
Birrell hazırda BP-nin Hasilat bölümü üzrə Texniki Təhlükəsizlik və Əməliyyat Riski funksiyasına rəhbərlik edir. Bu vəzifədə o, şirkətin dünya üzrə hasilat bölümündə əməliyyat keyfiyyətinin təkmilləşdirilmələrini irəli aparmağa cavabdehdir.
Birrell Azərbaycan layihələri ilə yaxşı tanışdır, çünki əvvəllər BP-Azərbaijan şirkətində vitse-prezident vəzifəsində işləyib.
Xatırladaq ki, oktyabrın 11-də hökumətin iclasında prezident İlham Əliyev müqavilə yataqlarında neft hasilatının kəskin azalmasına görə BP şirkətini tənqid etdikdən sonra
BP-Azerbaijan-da kadr dəyişikliyi baş verir.
Azərbaycan vətəndaşı Rəşid Cavanşir 17 il BP şirkətində müxtəlif rəhbər vəzifələrdə çalışıb. Ötən il Azərbaycan prezidenti onu “Şöhrət” ordeni ilə təltif edib. --12D--
-
- Siyasət
- 2 Noyabr 2012 14:49
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz