Oktyabrda qiymətli kağızların birjadankənar dövriyyəsi 5 mln. manata yaxın olub

Bakı Fond Birjası (BFB) birjadankənar platformada qiymətli kağızların həcmi üzrə məlumatları açıqlayıb. Bu ilin martında BFB birjadankənar əməliyyatlar üzrə  gündəlik məlumatları dərc etməyi dayandırıb.

BFB-in məlumatına görə, oktyabrda 3 620 248 ədəd korporativ qiymətli kağız üzrə əqd bağlanıb.  Onlardan 1 670 mini (ümumi dəyəri 3412  min manat) istehsalat müəssisələrinə aiddir.

Əvvəlki ayla müqayisədə birjadankənar  meydançada dövriyyə 6 dəfə artıb. 

Bu ilin yanvar-fevral aylarında BFB Dövlət Qiymətli Kağızlar Komitəsinin qaydalarına uyğun olaraq öz İnternet saytında birjadankənar əqdlər üzrə məlumatları dərc edirdi. Martdan birja bu məlumatları dərc etməyi dayandırdı.  Bundan sonra QKDK-nin normativ aktından fərqli qaydalar qəbul edib.  Bununla belə, QKDK baş verənlərə reaksiya verməyib.

Sentyabrda Nəsimi Rayon Məhkəməsi BFB-nin hərəkətlərindən narazı  olan investorlardan birinin iddiasını təmin edib və quruma QKDK –nın qaydalarına uyğun hərəkət etməyi həvalə edib. BFB məhkəmənin qərarından şikayət etməyib, investor öz növbəsində apellyasiya instansiyasına müraciət edib. O, korporativ qiymətli kağızların satışı  üzrə birjadankənar qədlərin iki depozitar (“Corporate Trast” və Milli depozitar Mərkəzi) tərəfindən açıqlanması barədə qərarın qəbuluna nail olmaq niyyətindədir. 

08B