2013-cü ilin 10 ayında Azərbaycanda sənaye istehsalının həcmi 28 mlrd manat olub. Bu, 2012-ci ilin eyni dövründəkindən 1,5% çoxdur və neft sektorunda 1% artım hesabına təmin edilib.
Dövlətstatkomda Turan-a bildiriblər ki, qeyri-neft sektorunun xüsusi çəkisi 10 ayda 5,5 mlrd manatla 19,7% təşkil edib. Qeyri-neft sənayesi 2012-ci ilin eyni dövrü ilə müqayisədə 2% artıb.
Dövlət sektorunda sənaye istehsalı 5% artıb və 10 ayda 5,2 mlrd manat təşkil edib. Sənaye sektoru 2013-cü ilin 10 ayında ÜDM-in 46,3%-i (22 mlrd manat) qədər olub.
Hasilat sənayesi ümumi məhsulun 74,4%-i (20 859 mln manat) təşkil edir. İlin əvvəlindən burda artım 0,8% olub.
Emal sənayesində istehsal artımı (5,6 mlrd manat) 5% təşkil edib. Yeyinti sənayesinin payı (3,7%) emal sektorunun payı 38,5%-dir (2 150 mln manat). Neft məhsulları istehsalı 2012-ci ilin eyni dövrü ilə müqayisədə 6,1% artaraq 1 737 mln manat olub.
Son 5 ildə Azərbaycanda qeyri-neft sektorunda onlarla sənaye müəssisəsi istifadəyə verilib. Onların çoxu hökumətdə təmsil olunan oliqarxlara və dövlət başçısının ailəsinə məxsusdur. Statistik məlumatlar göstərir ki, hasilat sənayesi nəzərə alınmadan sənaye istehsalının formalaşmasında özəl şirkətlərin payı cüzidir. Bəlkə də, statistikanın hələlik bu müəssisələrə «əli çatmır». --08D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz