
Ekspert: «Kommersiya bankları Mərkəzi Banka və manata etimad göstərmir»
Mərkəzi Bankın depozit hərraclarının keçirilməsi barədə anonslarda elan etdiyi məbləği kommersiya banklarından ala bilməməsinin səbəbi Mərkəzi Banka və manata olan inamsızlıqdır, ekspert hesab edir.
Turan-ın məlumat verdiyi kimi, 2016-cı ilin iyunundan Mərkəzi Bank depozit hərraclarının keçirilməsinə başlayb və bu günədək 9 belə hərrac keçirilib.
Hər dəfə Mərkəzi Bank hərracların keçirilməsi ilə bağlı anonslarda elan etdiyi məbləği toplaya bilməyib.
Belə ki, avqustun 22-də Mərkəzi Bank planlaşdırılan 50 mln. manata qarşı 30 mln. manat, avqustun 15-də 50 mln. manata qarşı 15 mln. manat, avqustun 8-də 50 mln. manata qarşı 40 mln. manat, avqustun 1-də 50 mln. manata qarşı 20 mln. manat toplayıb.
Bank məsələləri üzrə ekspert Əkrəm Həsənov Turan-a müsahibəsində deyib ki, depozit hərracının keçirilməsində məqsəd bankların qısamüddətli artıq manat ehtiyatlarını dövriyyədən çıxarmaqdır.
“Yəni Mərkəzi Bank istəmir ki, bu pullar valyuta bazarına axaraq dollar alışında istifadə edilsin. Bir növ banklara deyir ki, artıq manatınız varsa, verin mənə, faiz ödəyim sizə, amma dollar almayın”, - ekspert bildirib.
O qeyd edib ki, hər bir halda banklara manat ehtiyatı da lazımdır, çünki cari xərcləri var, əmanətçilərə ödəniş edirlər və s.
“Buna görə də manatın bir hissəsini Mərkəzi Banka faiz gəliri müqabilində yerləşdirmək onlara sərf edir. Amma təbii yalnız cüzi hissəsini, çünki devalvasiya gözləntiləri daha çoxdur. Mərkəzi Bank isə daha yüksək elan verərək sanki bankları inandırmaq istəyir ki, qorxmayın, devalvasiya olmayacaq, əlinizdə nə var, verin mənə. Amma banklar ona inanmır və yalnız cüzi məbləği verirlər. Qalanını isə dollara keçirib saxlayırlar”, - Ə.Həsənov bildirib.
Qeyd edək ki, beynəlxalq praktikaya əsasən depozit hərraclarında əsas məqsəd pul kütləsinin sterilizasiyasıdır. Depozit hərracları zamanı Mərkəzi Bank kommersiya banklarının depozitlərini yerləşdirməyə qəbul edir.72В
-
- Siyasət
- 24 Avqust 2016 15:49
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz