Çərşənbə axşamı REAL Hərəkatının mənzil-qərargahında keçirilən ekspert iclasında dərin iqtisadi böhranın səbəbləri və ondan çıxış yolları müzakirə edilib.
Ölkə üçün belə ağır vaxtda böhranın aradan qaldırılması üzrə istiqamətlərin və konkret addımların hazırlanması məqsədilə müxtəlif mütəxəssislərin və ekspertlərin səylərinin birləşdirilməsi vacibdir, iqtisadçı Natiq Cəfərli görüşü açarkən bildirib.
Politoloq Zərdüşt Əlizadə toplantı zamanı qəbul edilən qərarlara böhrana qeyri-adekvat reaksiya verən, səhvlər törədərək vəziyyəti dərinləşdirən hakimiyyətin məhəl qoyacağına şübhə ilə yanaşıb. “Hakimiyyət heç zaman kompromisə getməyib və görünür, dəyənək arqumentinə arxalanmağı davam etdirəcək”, - o vurğulayıb.
Ümumilikdə, toplantıda iki yanaşma üstünlük təşkil edib: oxlokratik proseslərin qarşısının alınması üçün cəmiyyətlə iş və təkliflər paketinin hazırlanması yolu ilə hakimiyyətlə dialoqa getmək.
Biznesmen, keçmiş deputat Nazim Məmmədov hesab edir ki, “təcrid olunan və komandanın odioz üzvlərinin təzyiqlərinə məruz qalan” prezidenti indiki şəraitdə dəstəkləmək lazımdır.
Turan agentliyinin müşahidələrinə görə, Azərbaycanda maliyyə böhranının başlamasından sonrakı bir il müddətində prezidentin hərəkətləri sistemli xarakter daşımayıb. Neftin qiymətinin üç dəfə enməsi, milli valyutanın iki dəfə devalvasiyası şəraitində onun komandası antiböhran tədbirlərinin hazırlanmasını ləngitməkdə davam edib. İlk antiböhran addımlarının ayrı-ayrı əlamətləri hökumətin 10 yanvar iclasında sonra görünməyə başlayıb.
Politoloq Ərəstun Oruclu islahatların aparılması ilə bağlı hakimiyyətin hərəkətlərinin ardıcıllığını skeptik qiymətləndirərək ekspert birliyinin konsolidasiyasını mühüm fakt sayaraq ekspertlərin toplantısını “buzun sındırılması” adlandırıb. “Yalnız cəmiyyətin konsolidasiyası hakimiyyəti real dəyişikliklərə sövq edə bilər”, - Ə.Oruclu vurğulayıb.
Ekspert Mehman Əliyev isə daha nikbin ssenari düşünür. Bu, Azərbaycanda neft erasının sona çatması amilinə əsaslanır. O 90-cı illərə ekskurs edib. Həmin illər neft gəlirlərinin aşağı olması fonunda bütün sahələrdə daha geniş azadlıqlarla xarakterizə olunurdu. “Bu gün biz həmin vəziyyətə qayıdırıq, lakin gələcəkdə tamamilə yeni ölçüdə və yeni dünya islahatları tendensiyası şəraitində”- , o qeyd edib.
Ekspertlərin ilk iclasında Elxan Şahinoğlu, Rəhman Bədəlov, Ələsgər Məmmədli, Azər Qasımlı, Xalid Bağirov, Azər Mehdiyev və başqalarının irad və təklifləri səslənib.
Politoloq Erkin Qədirli növbəti antiböhran müzakirələrin mövzusu ola biləcək məsələlərin işlənməsini təklif edib. Növbəti ekspert iclası iki həftədən gec olmayaraq və ya anın tələbi nəzərə alınmaqla tez keçiriləcək.—0—
İqtisadiyyat
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
Rəy yaz