Ekspertlər valyuta mübadilə zamanı banklara qoyulan 4 faizlik marjanın ləğvini müsbət qiymətləndirir
Ekspertlər valyuta mübadilə məzənnəsinin təyin olunması zamanı banklara qoyulan 4 faizlik marjanın aradan qaldırılması ilə bağlı qərarı müsbət qiymətləndirir.
Turan-ın məlumatına görə, qərar qüvvəyə minməsə də, banklardan daxil olan siqnallardan görünür ki, bu, yaxın vaxtların işidir.
İqtisadçı Natiq Cəfərov «Facebook» səhifəsində yazıb ki, bunu o çoxdan təklif edirdi.
«Prezident bizi səriştəsizlikdə ittiham etsə də, tövsiyələrimizi eşidir. Bu, müsbət haldır», deyə o bildirib.
Bank eksperti Əkrəm Həsənov da 4 faizlik marjanın aradan qaldırılmasını müsbət qiymətləndirib və bunu üzən məzənnənin başlanğıcı adlandırıb.
«Bu halda AMB-nin intervensiyası nadir hallarda və qismən olacaq. Bu zaman demək olar ki, gerçəkdən üzən məzənnəmiz var», deyə o bildirib.
Onun sözlərinə görə, AMB-nin intervensiyası tez-tez olsa, üzən məzənnə olmayacaq. Amma sonuncu variant az ehtimal edilir, çünki AMB-nin bu qədər valyutası yoxdur.
İqtisadçı Samir Əliyev hesab edir ki, marjanı tam ləğv edənə qədər qısa müddətə 6-8%-ə qaldırmaq lazım idi. –71D-
İqtisadiyyat
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
Rəy yaz