Emal şirkətləri üçün yeni güzəştlər keçən il istehsalın artımını stimullaşdırıb
Emal şirkətləri üçün yeni güzəştlər keçən il istehsalın artımını stimullaşdırıb
Ötən il Azərbaycanda mövcud olan “ixrac üçün daxili emal” gömrük prosedurundan yararlanan şirkətlərin sayı 2022-ci illə müqayisədə 77%, malların dəyəri isə 85% artıb. Bu barədə ölkənin İqtisadiyyat Nazirliyinin bu gün yaydığı məlumatda deyilir.
Azərbaycanda həyata keçirilən daxili emal üçün xüsusi gömrük proseduru emal əməliyyatlarından sonra ixrac məqsədi ilə müəyyən malların ƏDV daxil olmaqla gömrük rüsumları və vergiləri tutulmadan ölkəyə idxalını nəzərdə tutur. Emal əməliyyatlarına malların hazırlanması, emalı və təmiri aiddir. Ölkəmizdə malların daxili emalı əsasən iki istiqamətdə - təmir və emal məqsədi ilə həyata keçirilir. "Prosedur emal və xidmət sahələrinin inkişafı və ixrac fəaliyyətinin stimullaşdırılması üçün tətbiq olunur", - İqtisadiyyat Nazirliyi qeyd edir.
Bu günədək malların daxildə emal üçün xüsusi gömrük proseduru altında yerləşdirilməsi qaydalarına bir sıra dəyişikliklər edilib. Dəyişikliklər nəticəsində prosedur sahibinin qanunvericilikdə nəzərdə tutulmuş müddətlərdə xammal və ya materialları istənilən ölkədən Azərbaycana gətirmək və emal etdikdən sonra istənilən ölkədə alıcıya ixrac etmək imkanı yaradılıb. Bundan əlavə, gömrük borcunun ödənilməsi üçün icbari təminatın verilməsi aradan qaldırılıb, prosedurdan istifadəyə icazə almaq üçün sənədlərin işlənməsi prosesi sadələşdirilib.
Prosedurla bağlı sahibkarlıq subyektlərindən daxil olan müraciətlərin təhlili göstərir ki, 2022-ci ilin may ayından məcburi təminat aradan qaldırıldıqdan sonra prosedur daha aktiv şəkildə tətbiq olunmağa başlayıb. Eyni zamanda, 2023-cü ilin aprel ayında alqı-satqı müqaviləsi əsasında bu prosedurdan istifadə etmək imkanı yaradıldıqdan sonra prosesə yeni müəssisələr qoşulub.
-
- Siyasət
- 16 Fevral 2024 15:21
-
- Söz istəyirəm
- 16 Fevral 2024 15:43
İqtisadiyyat
-
Şimal-Cənub beynəlxalq nəqliyyat marşrutunun əhəmiyyətli inkişafı çərçivəsində 2024-cü ilin iyununda Azərbaycanı İranla birləşdirəcək Rəşt-Astara dəmir yolu hissəsində geoloji kəşfiyyat işlərinə başlanması planlaşdırılır. TASS-ın xəbərinə görə, bu bəyanatı “Rusiya - İslam dünyası: Kazanforum 2024” mövzusunda XV Beynəlxalq İqtisadi Forum çərçivəsində Rusiya Federasiyasının nəqliyyat nazirinin müavini Dmitri Zverev bildirib.
-
Azərbaycanın neft gəlirləri azalmaqdadır.Bu il Azərbaycan Dövlət Neft Fondunun (ADNF) neft satışından təqribən 5 milyard dollar əldə edəcəyi proqnozlaşdırılır. Son 17 ildə “Azəri”, “Çıraq”, “Günəşli” yataqlar blokundan (AÇG) dövlətin mənfəət şəklində əldə etdiyi ən aşağı qazanc 2020-ci ildə - 3,52 milyard dollar olmuşdu. Amma 2022-ci ildə neft gəlirdi təqribən 10 milyard dollara yüksəldi ( neftin yenidən bahalaşması ilə). Ötən il bu gəlir 6 milyarddan bir qədər çox olub.
-
Beynəlxalq Maliyyə Korporasiyasının (BMK) Azərbaycandakı nümayəndəsi Aliyə Əzimova “Ambisiyaların artırılması və stimullaşdırıcı fəaliyyət: COP29 Davamlı Biznes Forumu”nda çıxışı zamanı təşkilatın iqlim dəyişikliyi ilə mübarizəyə yeni diqqət yetirməsindən danışıb.
-
Azərbaycan istixana qazları tullantılarını azaltmaq və iqtisadiyyatını davamlı inkişafa doğru irəliləmək üçün iddialı planlar açıqlayıb. Bunu ekologiya və təbii sərvətlər naziri Muxtar Babayev “Artan ambisiyalar və fəaliyyət üçün stimullar: COPL-29 Davamlı Biznes Forumu” adlı mötəbər forumda çıxışı zamanı deyib.
Rəy yaz