Azərbaycan İpoteka Fondunun (AİF) müvəkkil bankları 2014-cü ilin fevralında ümumi məbləği 10,3 mln manat olan ipoteka kreditləri veriblər. Bu, ötən aydakından 3 dəfə çoxdur.
Mərkəzi Bankın məlumatına əsasən, hesabat ayında Fond 8,2 mln manat krediti təkrar maliyyələşdirib. Yanvarda bu göstərici 9,9 mln manat olub.
2006-cı ilin əvvəlindən Fondun xətti ilə 545 mln manat ipoteka krediti verilib.
Mərkəzləşdirilmiş ipoteka kreditləşməsi 2006-cı ilin martında başlayıb. 2007-ci ilin iyununda dayandırılıb, 2009-cu ildə yenə bərpa edilib. Bundan sonra dövlət təkcə sosial ipotekaya yardım edir. Bunun üçün 2013-cü ildə 40 mln büdcə vəsaiti ayrılıb. Bu il də məbləğ o qədərdir.
Kommersiya ipotekası AİF istiqrazlarının buraxılışı hesabına maliyyələşir. 2009-2013-ci illərdə Fond 55 mln və 75 mln, 60 mln və 20 mln və 30 mln manat, 40 mln manat və 20 mln manat olan 7 emissiya yerləşdirib. Bu ilin yanvarında 40 mln manatlıq yeni emissiya qeydiyyata alınıb. Bu emissiyadan 15 mln manat yerləşdirilib.
İpoteka kreditləri Azərbaycan vətəndaşlarına, 50 min manata qədər, 25 ilədək müddətə, illik 8%-dən çox olmamaqla verilir.
Güzəştli kreditlər 50 min manatadək, 30 ilə qədər müddətə, illik 4%-dək dərəcə ilə verilir. --15В--
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz