Sumqayıt İnzibati-İqtisadi Məhkəməsi şimal zonasındakı bir müəssisə ilə qiymətli kağız depozitarı arasında məhkəmə çəkişməsi başlayıb. SC Mill Depozit Mərkəzinin maliyyə iddiaları ilə razı deyil.
“SB” (şərti ad) MDM-dən xahiş edib ki, ümumi yığıncaq təşkili üçün qiymətli kağızlar sahiblərinin reyestrini təqdim etsin. Depozitar bununla bağlı hesab qoyub. SC-də bu hesabla razı deyillər, çünki bir neçə ili əhatə edir.
«Göstərilməyən xidmətə görə pul tələb etmək qanuna ziddir, onu ödəməyəcəyik», deyə SC-də Turan-a bildiriblər.
QKDK sədrinin təsdiq etdiyi MDM preyskurantına əsasən, əgər qiymətli kağızların saxlanması və ya QK sahiblərinin reyestrinin aparılması xidməti göstərilməsə belə, təkrar müraciət zamanı emitent ötən müddəti ödəməlidir.
Qiymətli kağızların saxlanması və ya QK sahiblərinin reyestrinin aparılması xidmətinin qiyməti QK-ın kağızların nominal qiymətinə bağlıdır, nə qədər yüksək olsa, MDM daha çox ödəniş alır. Bakı şəhərində yerləşən emitentlər üçün ümumi illik xidmət haqqının minimumu nizamnamə kapitalının 0,05%-i, başqa regionlarda 0,03%-dir. Məbləğ minimum 100 AZN, maksimumu isə 10000 AZN məbləğində müəyyən edilir. Digər şəhər və rayonlarda yerləşən emitentlər üçün ümumi illik xidmət haqqının minimumu 50 AZN, maksimumu isə 5000 AZN məbləğində müəyyən edilir. Bir sıra emitentlər hesab edir ki, MDM dövlət müəssisəsi olmaqla yanaşı (səhmlərin 100%-i QKDK-ya məxsusdur), praktik olaraq yeganə QK depozitarıdır. Digər depozitar («Korporeyt Trast Eycensi») yalnız «Azərbaycan Beynəlxalq Bankı» na xidmət edir. Ona görə şirkətin MDM-dən başqa alternativi yoxdur. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz