![Gömrük Komitəsi inhisarçılığa qarşı mübarizəyə başlanıldığını bildirir](https://turan.az/resized/750/500/resize/media/2016/main/010500142477.jpg)
Gömrük Komitəsi inhisarçılığa qarşı mübarizəyə başlanıldığını bildirir
Xarici iqtisadi fəaliyyət iştirakçıları ölkə ərazisinə idxal etdikləri malları bəyan edərkən qiymətlərə və malın dəyərləndirilməsinə çox diqqət etməlidir. Dövlət Gömrük Komitəsinin mətbuat xidmətinin məlumatına görə, bu barədə Dövlət Gömrük Komitəsi Maliyyə- Tarif və Valyuta Nəzarəti Baş İdarəsinin rəisi Mirqasım Vahabov yanvarın 5-də bildirib.
2015-ci il dekabrın 29-da president İlham Əliyev bildirib ki, inhisarçılığa qarşı mübarizə daha da gücləndiriləcək. “İnhisarçılığa qarşı əlavə tədbirlər görülməlidir. Yerli istehsalın stimullaşdırılması ilə bərabər bu sahəyə də diqqət yetirilməlidir. Əgər ya qanunvericilikdə, ya hansısa tənzimləyici qərarlarda əlavə tədbirlər lazımdırsa biz bunu edəcəyik. Biz azad, ədalətli, rəqabəti təmin etməliyik”, - dövlət başçısı qeyd edib.
Ölkə başçısı bunun söz olaraq qalmayacağını, prosesə şəxsən nəzarət edəcəyini və nəticəsini hər kəsin görəcəyini də bəyan edib. “Hökumətə tapşırmışam ki, ciddi nəzarət olmalıdır və indi yeni mexanizmlər işlənilir. Ümid edirəm ki, bir neçə aydan sonra biz bu mexanizmi tətbiq etməyə başlayacağıq və insanlar bunu gündəlik həyatlarında görməlidirlər”.
Prezidentin bəyanatından sonra Dövlət Gömrük Komitəsinin (DGK) sədri Aydın Əliyev monopoliyanın ləğvinə hazırlığın getdiyini faktiki olaraq təsdiq edib. “Sahibkarlara müraciət edərək tövsiyə edirəm ki, yükləri rəsmiləşdirərkən gömrük orqanları ilə təmasları vasitəçi şirkətlərlə deyil, birbaşa bizə müraciət etməklə yaratsınlar”, -o vurğulayıb.
M.Vahabovun fikrincə, idxal olunan mala istənilən sənəd təqdim etməklə istədiyi qiyməti tətbiq etmək niyyətində olmaq heç də malın düzgün qiymətləndirilməsinə gətirib çıxara bilməz.
“Əfsuslar olsun ki, bu gün bir sıra işbazlar bundan sui-istifadə edərək orijinal invoys adı altında mallarını bəyan etmək xəyalına düşürlər. Onlar düşünməlidirlər ki, Azərbaycanın qanunları var, malın gömrük dəyərləndirilməsi gömrük tarifi haqqında qanuna görə həyata keçirilir. Təqdim olunan sənədlərdə yanlışlıqlar baş verərsə bugünkü bazarın, yerli istehsalçıların və istehlakçıların maraqlarının qorunması məqsədilə gömrük xidməti malın bəyan edilməsinə nəzarət edir, əgər mal düzgün bəyan olunmayıbsa QATT-ın VII maddəsində təsbit olunan prinsiplərə və “Gömrük tarifi haqqında” qanuna uyğun olaraq malın dəyərləndirilməsi aparılır və dövlət büdcəsinə gömrük ödənişləri həyata keçirilir”, - o bildirib.
İdarə rəisi onu da deyib ki, hazırda bu işbazlar əsasən armatur və meyvə məhsullarının idxalı ilə məşğul olan şəxslərdir.
Mirqasım Vahabov onu da əlavə edib ki, hazırda bütün məhsulların minimum qiymətləri müəyyən edilərək ərazi və ixtisaslaşdırılmış gömrük idarələrinin bazasında yerləşdirilib, istənilən vaxt sahibkarlar müraciət edib qiymətlərlə tanış ola bilərlər.
“Bəzi işbazlar manatın devalvasiyaya uğraması ilə ölkədə yaranan iqtisadi mühitdən istifadə edərək xüsusilə idxal əməliyyatları zamanı dövlət büdcəsinə çatacaq vəsaitin tam ödənməsindən yayınmağa çalışırlar”,- o qeyd edib.-03D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz