Prezident İlham Əliyev martın 7-də “Torpaq münasibətlərinin tənzimlənməsi sahəsində əlavə tədbirlər haqqında” fərman imzalayıb. Sənəd torpaqların elektron uçotunun aparılması və 2020-ci ilədək rəqəmsal kadastr xəritəsinin tərtib edilməsini nəzərdə tutur.
Bu sistemin əsas vəzifəsi torpaqdan istifadənin gerçək vəziyyəti ilə onlara hüququ təsdiq edən sənədlər arasındakı uyğunsuzluğun aradan qaldırılmasıdır. Sənəd müxtəlif şəraitdə və yerlərdə torpaqdan istifadədə olan problemlərin həlli mexanizmlərini göstərir.
Məsələn, dövlət daşınmaz əmlak reyestrində hüquqi və texniki sənədlərdə dəyişikliyə zərurət yarananda onların mülkiyyətçisi, icarəçisi və istifadəçilərinə bildiriş göndərilir. Bu şəxslər düzəlişlər nəzərə alınmaqla yeni sənəd əldə etmək hüququ qazanır.
Əmlak Məsələləri Dövlət Komitəsinə tapşırılır ki, yaşayış massivləri olan yerlərdə torpaq kateqoriyasına dəyişiklik edilməsi haqqında təklifləri hazırlayıb Nazirlər Kabinetinə təqdim etsin. Nazirlər Kabineti 3 aya müvafiq qərar qəbul etməlidir.
Qeyd edək ki, Bakı və Abşeronda keçmiş sovxozların yerində tikilən və kənd təsərrüfatı torpağı kateqoriyası dəyişməyən çox sayda yaşayış massivləri var. Ona görə bu ərazilərdə yaşayış obyektləri tikənlərə dövlət daşınmaz əmlak reyestrindən çıxarış verilmir. Söhbət bir neçə min fərdi evdən gedir. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz